HAKSATNA MANG MEL MUHNA
By Biak S Tawmbing.

Reallife Testimony leng hi ngal.

Hichibang hinkhua ana zangkha tuailai tamtakte ading in phattuam ngei dingin i gingta. Hiai tanchin neitu tungah kipahthu ka gen ahi

Simlei tung ah khua vannuai ah khovel nopsak leh gentheih na thuak dingin tunnu sung pan kong piang khia hi, ka nu leh pan hon deihsak mahmah uhi. Ka neu a pan pau ut leh kamtei mahmah ka hihmanin mite deihsak na leh pahtakna ka hi. School khong ka hong kai in huchibang a hun te ka zat lai in kum 13 ka phak in ka pan hon sihsan hi.
Ka pan hon sihsan nungin, ka nu toh ka pianpih lai zom te toh kong khosa tou tittit uh hi.

A kallak in mi a pate toh innkuan kim a ki ton a nui khom dam dam khong ka muh chiangin pate ngaihna hong lian mahmah mai hi. Himahleh ka nu khamuan na thu hoih tak hon genpih sek hi.

Ka pa hon sihsan na nung ah ka nu'n ka u nau un hon na kem tou hi, haksa kawm pipi in school kong kaitou zel a, Ka pan a dam lai a hon thuhilhna te a kal lak lak in hong suak sek a, ka pa ka ngai thei mahmah hi.

HAKSATNA KHUK A LUTNA

Kum 20 bang kong ching touta a, mi maitai leh kipak a ki lang gige thei ka hih manin mite ngaih ngat in kong om hi. Saptuam thil hihte na te bang a kong tel a, mite paktak leh mi te deihsak kon loh deuh hi. Mite lak a kong tel chiang in ka thawmhau na a dan om deuh hi.

Hun hong paitou zel in ngaihzawng bang kon nei a, ka lawmpa toh nuamsa tak a ka om lai un ken ngai mahmah ka hih man in hon it na a taktak d ana sa kha in ka na muan mah mah ziak in ka na omkhawm, nupa hinkhua sex ka na zang kha zel uhi, Saptuam sung ah kizang mahmah khat ka hih man in mi hon theih d bang ka lau hi. Ka lawmpa mel ka muh lou chiang in ka om thei kei a, ka om khawm chiang un lah nupa hinkhua kon zang zel uhi.

Kua mah theih lou in kei tuh addict kong himai mai hi, nidang a ka hinkhua a nopnop mai toh chi in kei leh kei kong ki ngaihtuah a, ki ngaihsiat na leh lung kham na in ka pumdim hi, mi kua mah in hon thei kei ua, kei tuh mi lak a ka om chiang in maitai nuih mai lungkham na ding neilou bng mai in ka om a himah leh ka lung sim tongah kipah nang ka nei ngei kei. Ka pa hon na om louhsan kei le zaw hiai tantan a na tunglou d hing a, ka chi sek hi. Ka lawm pa toh kong ki khen ua, adang kon neih chiang in leng, a ngei mah kong tung ka sek hi
Ka haksatna mi lak a ka share ngam ngei kei, mi lak a ka tel chiangin leng ka kipak thei kei hi.huchi bng a hinkhua haksatna ka zat lai in ka neu a pat ka lawm hoih mahmah khat lung kham lua ka himan in ka hilh kha hi, huchi ka lawmpan leng ken sang a hon panpih thei zaw ding chi in mi dang khat hon kawk muh hi.

Ka haksatna addict ka hih dan leh ka hinkhua a man phat nawnlou ahihdan leh awklup mai ka ut dan ka gen a, himahleh aman hinkhua a manphatdan leh Pathian in hoih it lai lai ahih dan te hon gen pih hi. Kei bangmah hilou nin gawp leh se gawp ka hi lai a Pathian in ka hihna bangbang a hon thuk lou a, ka hihna banga hon pom lailai ahi chih ka theichian thak hi.
Tua sisan ahi ka lung nop a kim na, tua sisan ahi ka kisaktheihna pen, kalvari khros a sisan hong luang khia, kei a din aw ka damna tua sisan hi.
Tanchin neitu apan thukhah tamlou:

Ka tuailai pihte, ka tangthu in bang lam hiam ah hon panpih thei ding in ka gingta, itna i chih sum ahi kei mel ahi kei, hausakna le ahi tuan kei, hon it taktak in hon zah tak ding a, hon hehpih ding a, na hoihna d kia a deih ding, hon it tak tak mi in hoih lou top na tuah lai a leng nang theih louh a hon na thumsak gge ding uh. Sum leh pai a poimoh mahsa pen ahi kei.
Hiai apan in na lawmpa ding na lawm nu ding Pianthakna hoih tak nei mi zong in thum in. Mel in en ken. Ka tuah apan ka hon gelh ahi..
Ka gelh siam kei a himah leh hon na simsak te tung a kipah thu kon gen hi

Na phattuam pih a, midangte sim dia na deihsak leh ana share sawn in. Comment a piak theih gige. Thugelh penuam te a dingin. email: This email address is being protected from spambots. You need JavaScript enabled to view it. ah chiklaipeuh in a piak theih gige ahi.