MALAYSIA, SINGAPORE & YANGON zinna report
By B Muan Ngaihte

Tukum I Zomi ngeina KHUADO PAWI Malaysia Khuapi Kuala Lumpur ah October 15 ni in kizang ding ci in ZOMI ASSOCIATION OF MALAYSIA te a kipan in chialna / sapna kamu hi. Tua tawh kiton in VISA bangkim buaipih ngai ahihman in 05th. October 2016 in Lamka a kipan in New Delhi katungsuk hi. Tua ah VISA vai a buaitak a ka omlai in ka gang Pastor TK Lianpu, ZCF, Vikashpuri leh Zomi Nungak kizen mahmah U Dimpi Khuptong, Malaysian Embassy a sem in awlmoh tak in a hong buaipih ua, bangkim a hong saisak a VISA kangah pah hi. Amah tung ah ka kipak petmah hi.

Huan, 10th. October 2016 ( Ka Birthday ) in Delhi ah KHUADO SPORTS nuamtak kazat zawh in a nitak in Delhi a kipan Kuala Lumpur,Malaysia ka manawh ta hi. A zingciang 11th. October 2016 zingsang 12:00am (2:30am Malaysian time) in damtak in Malaysia Khuapi Kuala Lumpur katung hi. Tuamun ah ZAM (Zomi Association of Malaysia) Makaite leh kalawmpa Lunthang Guite te' nupa in President Sia Khoi Tuang' makaihnainhongdawnuhhi. Tuaakipanin ZAMOfficehonmanawhpih in,hong tunpihta uhhi. Ka tunni in makai te in kithuahpihna hongnei in nuamtak in hun hon zatpih ua, nuam kasa mahmah hi. Makaite kizen uh kasa mahmah a, hong aangvanna te uh thupi kasa a nuam kasa mahmah hi. Tuahun in Biak inn te ah kikhawm in, kithuahkhawmna tuamtuam ah kihel in, mun tuamtuam ah hong paipih uh a nuamtak in hun hong zatpih uhhi.

Malaysa Khuado Pawi
Ni 15 ni, KHUADO PAWI a nipini hong hita a mun tuamtuam a om Zomi te kithalawp mahmah in kisakhawm siusiau ta uhhi. Tua Khuado pen Kuala Lumpur a ding a Stadium / Hall thupi mahmah CHINWOO STADIUM kici CHINA te a ah Khuado Pawi Thupi mahmah in kibawl hi. Hiai hun ah Zomi tampi kipaikhawm in Hall kidim zihziah a, Laasiam tuamtuam te apan Laasakna, Ngeina Laam tuamtuam, Talent Show, Thugenna te kinei a nuam kisa mahmah hi. Hiaihun ah Gam tuamtuam apan kipaikhawm a, Singapore a kipan Sia Hang Khan Lianz ZIS & Family, India a kpan Pu LP Tuang (Hyderabad), B.Muan Ngaihte (Lamka), R.Khai (Aizawl) , ban ah US, leh mun tuamtuam a kipan makaite paikhawm hi. Kapian a kipan a Khawmpi ka kihelna telak a mi atampen hun zong hi a, Zomite minuai ah omlo hihang, Pasian in Zomite hong iit in, hong makaihhi cih kathei a kipahna mittui aluang hi. Makaite kiang ah Malaysia ah Zomi bangzah bang ki omhiam cih kadong a, ZAM Record dungzui in Zomi 37000 val hi hongci a, thupi kasa mahmah a, ka lumgsim a muang mahmah mai hi. Khuado te zota in, hun hongpai a Biak Inn tuamtuam ah Laasa ding a hong kisap ban ah, kei a bangmahlo leh a cinglo pen THUGENNA hun bang hongpia ua, Pasian muanna tawh kavagen hi. Haksa kasak mahmah ahihleh, kei Laasa kahi a, Thugenmi hilo kahihman in haksa kasa mahmah hi. Himahleh keithu gen hilo a, Anungta Pasian thu gen kahihman in Topa in gen diing hongpia hi. Huaiban ah, Thupi Kasak mahmah Veng cih a Zomi te ki om ahihman in Zomi te in Biak Inn tuamtuam 30 val Kuala Lumpur Khuasung ah kinei a, Pastor 30 val ki omhi. Tua ah Zomi Association of Malaysia in School tampi bawl in, Biak Inn omna te ah Pastor te in enkai in, Teacher 2/3 te in huh in,naupang te Laisinna a pattah in siamna hawm uh ahihman in Zomite minuai ah ki omlo hi. Thupi mahmah hi. Malaysia Zomi makai te phat huai kasa a,a nnasep uh thupi kasa mahmah hi. Ban ah, i Zomi naupangte bang Siamsinna ah thupi mahmah uh a, English bang siamthei mahmah uhhi.

Singapore Khuado Pawi
Tuabang a hun kazat zawh in, 23rd October 2016 pen ZOMI INNKUAN SINGAPORE in KHUADO PAWI zang diing ci ahihman un keizong ka Sanggampa Pastor Mungpi Ngaihte (Zomi Christian Assembly) tawh Visa application kakhiak uleh, VISA kangah hi. Huci in 22nd ni in Kuala Lumpur a kipan BUS a tuang in SINGAPORE ka manawh a, damtak in katung hi. Tua ah 23 ni Sunhun in KHUADO SPORTS kinei a, Zomi tampi te paikhawm in, Kimawlna tuamtuam kinei in nuam kisa mahmah a, Khuado lopna VAIMIIMCIIM kinekhawm hi. Nitak hun in ZOMI INNKUAN SINGAPORE makaihna nuai ah ZIS Biak Inn ah Singapore a om Zomi 400 kiim mahmah paikhawm in KHUADO kizang a, nuam mahmah hi... Hiaihun ah Laasakna, Thugenna, lemciinna,atuamtuam neihzawh ahih in Nitak hun in Laamvuui kaai in nuam kisa mahmah hi. Programme khempeuh zawh ahih in Ann nekkhawmna kinei zuazua a, nuam kisa mahmah hi. Tua zawh Singapore a Nipikal khat ka omzawh in 29th. October 2016 ni in Singapore a kipan Kuala Lumpur, Malaysia Khuapi katungkiik nawnta hi. Hiaihun a, Singapore 2 (nih) vei kazinna te a, nuamtak a hong zintun, ka Inn mahbang a hong omsak Pa Hang Khan Lian, ZIS makai pi te tung ah kalung akim a, ka kipak mahmah hi. Tuabek thamlo a, ZIS makai leh Singapore Zomi khempeuhte in ka kisap bang hongsik a, hong kithuahpihna uh kalung akim mahmah hi. Malaysia ka tungkiik a, ZAM Office pen ka inn bang a bawl in makaite tawh nuam kasa mahmah hi. Malaysia Zomi te thupi uh kasa mahmah a, Lawmte hun aneih ciang bang un hongpai in Khuasung bang hong vaakpih in, nek-leh-dawn alim mahmah te hongsik in kei a bangmah lo pen athupipen hong bangsak ua, Zomi te ki-iitna thupi kasa mahmah hi. Tua a ka om laitak in Yangon Khuapi ah 24 - 27 November sung GZA ( Global Zomi Alliance) Khawmpi a 3 veina omdiing ahi, hong khel in ci in GZA a General Secretary Sia Go Chin Zam ( Zam Bawi) apan cialna kamu hi. Ka kipak mahmah a, ZAM makai ahi Sia Cinpi tawh Kuala Lumpur a Myanmar Embassy ah VISA application bawl ding in kapai ua, tua ah Pasian hehpihna tawh VISA kava ngah pah a, Sia Cinpi bang kapa ana sa uhi..... hahahahahaha . ZAM Makaite kaphat mahmah a, nek-le-dawn, bangkim kiningcing hongsik uh a, zahlaklo in hongkoih uh ahihman in ka kipaklua hi.

YANGON
Malaysia a kagensa mahbang a Mun tuamtuam a programme tuamtuam kazawh nung in, Pasian hehpihna tawh 15th. November 2016 Ziingsang in KUALA LUMPUR INTERNATIONAL AIRPORT akipan in Yangon manawh in kapai a, Damtak in YANGON INTERNATIONAL AIRPORT katung hi. Tua ah Sia Stephen Mang te' nupa in hongdawn uhhi. Himahleh hiaihun a ka thiltuah leh lamdang kasak mahmah thu khat a omhi. Tua ahihleh, nungkiik zek lehang, Malaysia a ka omlai in nidang pek a ka School kaipih leh ka Classmate te Pasal khat in hon message a, Muan,koia om e, Yangon a lawm naneih leh Kanau Singapore a nnasem ding a pai, Yangon ah om a,lemlohna pawlkhat omziak in MACAU ah paisak sawm uh a, kou phallou kahihman un a lawmnu tawh a Center ua kipan in ana taikhia uhhi. Tun mi inn a om ahihman un, Lamka hongtung diingdan vai honghawmsakve honci hi. Ke'nleng, Aw himaw, keile Yangon paidek laitak kahi, kong enkai ding kaci hi. Ban ah anaunu Facebook honpia a, keimah inleng hopih in, Yangon ka tunni ding leh katun hun ding kahilh a, Airport ka tunhun in amau lawmta zong ana om uhhi. Tua ah Ka Pamang, Stephen Mang te'n kavan khempeuh innlam ah ana pua in,kei tua numei tetawh amau ana omna uh inn, Yangon khuanawl lam manawh in Taxi tawh kapai uhhi. A omna uh kava tungta hi. Thu kadong a, amau honggenna ah, "Lunniang pen MACAU a paisak asawm tak un, aman Lamka a a Ute dong in, amau aphalloh ziak un utlou hi. Himahleh amah utthu a paikhia mawkthei ahihlohman in beidongtak in om a, tuahun in alawmnu Sanggam Thadou kampau, Mary tawh kitheikha in, tua Mary pen Macau a sawtlo va omkhin hongkiik a, tua a Center uh hongpaikiik ahihi. Nikhat Mary Innpaiding a a kinget, phalsak uh a, aCenter ua avapailai in Lunniang tawh kituakkha ua, Lunniang in kenzong hong zuidiing ci a, tua a heutute uh omlohkaal in a lawmte unzong, zui in navanteng tawh....

Nanga ding a hunlem ahi cia sawl uh hihtuak a, amanzong sum nei hetlo in zui hi. Mary sumneih sunsun zang in taikhia uhhi. Nidang a a Centre ua vahawh Sanggam Thadou te numei, Kawlte khat pasal a nei, khat eimi ci a, anumber uh Mary tawh ana kipiaktuahkhak ziak un, tua call in, a inn uah va omtop mai uh ahihi. Tua Sanggamnu inzong nek-le-dawn Inntektak a ana nekpih a ana ompih ahihi. Kavatung ciang in, amauzong alung uh ana muang mahmah ahi cih kamuthei hi. Hiaihun ah Pasian in mite huhthei ding a kei sese hongzat ka kipak hi. Tuahun in Sum bangmah khek lo in, Malaysian Ringgit RM 1000 chauh kapua hi. Tuapen Myanmar Kyats a khek nailo kahihman in, Mary tawh Katunna ding Sia Stephen Mang te innzuan in Taxi in kapai uhhi. Inn katungta ua, kiholim in thu tuamtuam ka kikum uhhi. Tuahun ah Lunniang Lamka a tunna dingtawh, A na belhte uhkiang a Nek-le-Dawn man hikei mahlehKipahman, Taxi Saap ding ci in kenleng kasum neihteng kapia hi. Tuahun in Sanggamnu kipaklua ahidiing a, Mittui luang ziahziah in Pasian kiang ah lungdamkohna leh kei a siing a Thungetsakna hong neihsak hi. Amah thungetna hang zong hi inteh sum ka piakbei hang in ka tasam tuankei hi. Hiai a ka kipah mahmahna ahihleh neih sunsun mite beidong mahmah a omte huhtu a kapankhak ahihi.

Tuahun in Sia Stephen Mang te'n nuamtak leh Lungkimhuai mahmah a hong zintun in muam kasa mahmah hi. Amah pen nidang a New Lamka, Zion Veng a 2006 - 2007 kum a ka omlai a, Innkuan khat bang a om kahihman un, hong iit mahmah a, Sanggam bang in hongkem hi. A zingciang 16th. November 2016 in GZA Khawmpi zatna dingmun TBC-Y (Tedim Baptist Church - Yangon ) Bian Inn ah Meeting kavapai hi. Hiai hun ah GZA Makaipi te Sia Rev. Dr. Pau Khan En, Sia Rev. Dr. Do Suan Mung, leh makai tuamtuam tetawh ka va kimu uhhi. Hiai hun ah Sia Mung in, "Lawm Muan, Tedim Kam siamsi cia, keisang zong siamzaw na'ive" hongci a, Ke'n " Sia , kasiamloh hang,I Zomi sung a Awkaih leh Pau omte kazatsiam ding ka hanciam na hi. Ka omna dandan ah Pasian hehpihna tawh kapau a, avek a Zopau ahi cih ken Zomi ka iitna tawh kapom ahihman ahihi" kaci hi..... Tuahun ah hun nuam mahmah in ka zangkhawm uhhi. Tuaban ah Billy Graham' Tupa Franklin Graham' Crusade ahzong Yangon Zomi Choir min a Hallelujah Chorus sadiing a ahongcial uh mahbang in asakna ahleng kava kihelkha a, hampha ka kisa mahmah a,Pasian thupina tampi kamu hi. Hiaihun ah Zomi Choir 400 kiim kava kihel uhhi. Tuadan a vai tuamtuam kazawh nung un 24th. November 2016 nitak in KHAWMPI honkhiakna kinei hi. Hiai khawmpi nuam in thupi mahmah a, Gam tuam-Muntuam a kipan in kipaikhawm in Thumanpha leh Zomite maban ding genkhawmna leh sakkhawmna kinei hi. Hiaihun ah, Singapore, India, leh Kawlgam sung mun tuamtuam a kipan leh, Gamdang mun tuamtuam apan in Zomite kipaikhawm ziahzah hi. India a kipan in Kei leh Sia JM Paupu te' Nupa kapaithei uhhi. Hiai Khawmpi ah maban pai dingdan tuamtuam thu kikupna a omban ah Laasiam tuamtuam te a kipan in Laasakna om a, Talent Show tezong om in nuam mahmah mai hi. Koikoi a om Zomi te Pasian hehpihna tawh kithupi in minuai ah ki omlo ahi cih kamukhia hi. Zomi mipil Misiam tampi Pasian in hongpia a, Zomi a iit makai tampi hongpia ahihman in Pasian min kaphat ahi. Tuabek hilo in mailam hun ah Kawlgam-Vaigam, Lei kiuli a om Zomi te kigawmna hun hongtung diing ahi cih ka lamen mahmah hi. Huan 27th. November 2016 nitak in lawhcingtak in GZA Khawmpi kizo hi. Pasian ompihna thupi kasa mahmah mai hi. Tuabang a hun kazat zawh uhciang in 29th. November 2016 in CENTRAL ZOMUS (Zomi Music Uplift Society) in Sia Lian Pi, Gen. Secretary ZOMUS te in ah Ann nekpihna hongnei uha,Mailam a India ZAA (Zogam Artistes Association) tawh mapankhawm diingdan leh Laa lam bek thamlo a Zomi te kinaisemna diing thu tampi hong kikuppih uh a, nuam mahmah hi. Yangon ka omsung in Zomi laizom te in hongkhual in, hong deihsak mahmah uhhi... Koikoi ah I omzong Zomi ihi a, Sisan in thugen ahihman in ki iitna om hi... A kikhen theilo Zomite hihang.... Hihbang a hunnuam leh lungdamhuai kazat nung in, 4th. November 2016 (Sunday) Nitaklam in Yangon a kipan in Sia Stephen Mang leh Nu Vung in YANGON INTERNATIONAL AIRPORT ah hongkha in, Kolkata, India manawh in kalengkhia ta mai hi. Tua zaan Kolkata a giak in, a zingciang 5th. November 2016 (Monday) in Kolkata International Airport a kipan in Damtak in Kha 2 (nih) vengveng kazinnung in, Imphal International Airport tawn in Lamka katungkiik ta hi. Ka Khualzin sung a hong kithuahpih a tha hongpia tawntung Malaysia, Singapore, Yangon Zomite tung ah ka kipak mahmah hi. Mailam ah Pasian in lem asak hunciang kimu kiik diing hihang....
LOVE YOU ALL ZOMI TE.......

Tutung ka zinna a ka muhkhiak leh thupi kasak pawlkhat
1. Zomite Ngeina Khuado mun tuamtuam a izatna uah, nidang a om ngeilo leh Zomi History a ding a amasa pen, EBC Lamka North Division Choir leh Laasiam pawlkhat, Mi 30 vaal mahmah Lamka, India a kpan in Kalaymyo (Kawlpi) ah Laapawl leh Laa tuamtuam sa in pai uhhi. Zomi te kigawmna naita hi.

2. Zomite hong gawmkhawm mahmah Laa ahihbang in Yangon, Malaysia, Singapore, etc. te ah India Zomi lak a pan Pu. T.Pumkhothang' Laaphuahte kisa ziahziah ah, India Zomite in Kawlgam Zomi lak a Sia TS Khai, Sia Stephen Mang, Sia David Kham,etc. te laa te kisa ziahziah a, Pau-le-Haam, Thumal tuam zekzek (Mun-le-Mual tuam haang a) te tuni ciang in kitheituah in, kigawmna nai mahmah hi.

3. Muntuamtuam a om Zomite mundang a pan apai kahihna tawh zinmuak siam in, Tha hongpia mahmah nahihman un thupi kasa a, Na Zomi pih uh kei nahong iitna leh n'ong huaina uh thupi kasa hi.

4. Kei a huhtuak leh a neilo pen himahleng a beidong leh a huhtuak mahmah te huhtu a Pasian in hongzat lamdang kasa a, ka kipak mahmah hi.

5. Zomite I omomna a I ki-thutuahna leh Makaite thu I manna uh thupi kasa mahmah hi. Makaite genpeuh zui siausiau in, thudang saat hetlo uhhi. Zomi te kithutuahna lamdang kasa hi.

6. Zomi Association of Malaysia te in Malaysia a om Zomite akhualna uh Thupi kasa mahmah hi, Kimat-Kiheen na a dim Malaysia ah a nnasep uh ettontak leh zahtak huai uh kasa mahmah hi. Siamsinna lam ah Zomi te a pattahna uh thupi kasa hi.

7. Tuipigaal adiak in ken kaphakkhakna ahihman in Singapore bang Inn nasem a om himahle uh I Zolia te Nipini Off la tangtang a, Sum sengliang mah a Biak Inn apai tangtang uh thupi kasa a, tuazah a ih Pasian biak uh taisanlo ihihman in Thupha angah ihi kaci hi.

8. A nihveina GZA Khawmpi 2014 Kum a Tedim a ka kihel nung, tukum a a 3 veina GZA Khawmpi a hong kihelsak a Cidamna hongpia Pasian kaphat a, Malaysia a kipan a VISA tawh nuamtak aa Pasian in Yangon hong luutsak lamdang sa in ka kipak mahmah hi.

9. Kapaina khempeuh ah Topa'n hong makaih a, Mite leh Makai tetawh hong kithei sak kawikawi ahihman in kei a ding in thupi kasa mahmah hi.

B.MUAN NGAIHTE
Lamka, Zogam
+918014391608
This email address is being protected from spambots. You need JavaScript enabled to view it.