Ni 35 nung a ngaihdan
By Ginza Vualzong

Sia Pau inn ki haal akipan i tribal movement khetdaih dan in om hi. I movement uh personal enmity leh political motive nei khenkhat te thubol ahi chi in heutute khenkhat kam apan zak in om hi. Tua nung heutu te akipan maban pai didan zaak tam hi non lou a, hiaiziak mah in misi vui di leh school kai di hong ging pah hi.

Huchi komkal ah inn haal a ki pei mimal min 2/3 gen ging in om hi. Ahih leh hiai inn haal a kipeite ziak lel a salpha luang 9 te sihna i movement uh daihsan mai ding i hi uh hiam? Inn haal a makai chih i theihchiang leh innhaal a om te toh ngoh a omte a tuam in ana ki hou uh le himai lou hia, maw? Personal issue i chih ngal leh people movement toh mekbelh kei leng hoih mahmah ding in ka ngaihtuah hi.

Hiai toh kiton in KIM in hunlemtang la mah bangin thuneipen dan in vai hon hawm leh tribal unity hong liing mahmah a muh ahi. Unau kihou khawm dialdial in pan lakhawm thei leng chih huai mahmah maw.

Heutute dai dide a om thei vual a hi kei uh. A daih dide uh leh suang neu te hong ki kou khe ding uh ahi. Tun le student ten dharna nei ua, i buaipih mahmah uh. A dang le hong omlai ding in ka mu. I demand uh khat bek i muhma uh daih i sawm uh leh hih khial ding i hi uh.

Heututen mipi sou dom kom in tha hon lathak uh hen la, tribal unity leh movement tat lou a hatzaw sem ding in mipi deihna bang in hong hah pan sem uh deih huai petmah hi.

Long live Tribal Unity!