KHANLOH A PIL HUN TA...
By jamin h vualnam
Simleivai a ibuai vengvung na uh,numei naupang aneu alian atek akhang in niteng hunteng a igen,innsung khosung koimun peuh ah,mundang gamdang ah hi'n kim le pam te' bildoh leh lungphong tuh;August 31,2015 ni a Manipur Legislative Assembly in Special Session a Bill 3/thum (The Protection of Manipur Peoples Bill,Manipur Land Revenue & Land Reform/7th Amendment Bill leh The Manipur Shop & Establishment/2nd Amendment Bill,2015) te nialtu/daltu/opposed tu omhetlou a ki passed hiaute ziak a lungkimlou leh deihlouh ziak a singtang/tribal/hill mite' kiphinna ahi.Aziak asan leh ahang te itheivek ua,ahoih louhdan leh bang chituk a Manipur Valley/Phaizangmi/Meitei te'n Tanggam/Tribal mi-le-sa leh gamte hon nawmvalh/bulkalh/hepkhiat sawm uh hi hiam chih leng ithei ua lungkham huai in thangpaih huai petmah hi.Indian constitution in (Articles 371C) Manipur Singtangmi/Hill Area a teng/om mi leh sate a dia law & order,provision a tuam liuliau hon na bawlsak sa,huai mah pansan a simlei vaite sai leh zuih a phattuampih dia dikna/rights,hihna/status leh khua le tui hihna/citizenship kichian leh khauhtak honpiak/bawlsak sate ihi uhi.
Himahleh tuabang a tribal/hill/singtang gam ipu ipa uapan iluahsa leh mite hamphatna te, gam leh leitang mahmah Manipuri/Meitei/valley people te'n India/n Constitution zahtak lou a,a thupiak leh daan/law & order te nelhsiah leh palsat a,ngian siamtak leh chalak tak a bumhai honsawm uh ahihman un kuaman kitheisiamlou in kithuak zou nawnlou a ki om maimai nawnlou mah ahi.Zuau siamtak leh duhgawhna,huaihamna tawh lungpigel kineih a zuauthu in Indian Constitution a thukhun omsate zekhem sawm a kitheih mawhbawl in,ei tribalte/singtangmite awlmawh lodan in hong chalak gamtat maimah uhi.Himahleh guktat na leh thudiklou zuauthu ahih ziakmah in a zuau gen uh hong kuangkhia a, alampi dang omtuanlou ahih man in zuau dang gen in,tua bill ki passed (MLR&LR Bill,Protection of Manipur Peoples Bill,Shop & Establishment Bill,2015) te mi kuahiam atheikhial/atheisiam lou khat in mipite/midangte hilh a theisak sawn ahi chin,Secretary to Chief Minister N Ashok Kumar in genbeh lap nalai hi.(The Sangai Express 8th September,2015).Huai abill gelh/bawl uh theisiam lou hial dia tribal/hill/singtang mite kihai/kimawl hetlou ahih man in hongkhem zou tuanlou uhi.Huchin zuau a pang ta vetvet chin,zuau dang phuak tawmzel in tua bill ki passed te Money Bill ahih ziak in HAC ki thudot/theisak/consult masalou mah ahi chi leuleu ta zen uhi.Awl awl a,I inn ilou,igam ilei,idikna,hamphatna leh reservation tuamtuam Centre apan imuh ua itan te uh Leikha,lungnou leh tui-ek bang a hon nene/eu eu/kheuh kheuh ding ua atawp/hunsawt chia hong nebei/negai/nechimit vek dia kisa ahihlam uh haihlouh adeih huai petmah.Thagum thatang leh force in bel hong kituh pih kei du'a,indirect leh bang bang hiam paulap bawl a hongkisa a neuchik chik leh awl-awl a hon philphil ding ahi uh chih phawk thak mahmah ni hang.Tua ahihman in innsung a guta hong lut tuh ihawlkhiat a ibetdaih tuh imohpuak uleh ihih ding mah uh ahi,huaiziak tak in Khanloh a Pilhun lua panlak hun lua hita lou maw.!?!....
Alehlam ah hichibang a Bill 3 hong ki passed khia pen ei tribal/singtangmi/hill area mite adia kong/lampi hongtu hikha thei hi.Aziakbel ei pat sese ngailou a Assembly in abulding,alampi hong phut hongsak a tua mah pansan leh idikna/rights te ua ilungkimlouh nate puakzak sak tu suak ahih man in (asi aliam te isuun kei a,a bill 3 te ideih chih na hilou in).Kachih nopna in,tua bill 3/thum ki passed te ziak in all Manipur Tribal/Hill Aarea a teng a khosa mite adia kipum khatna,ki-ittuahna,pankhawna leh khe-khat a dinkhawm theih nang lampi ahih ban ah,atuam vilvel ahih louh tawp aleng Autonomous status a full power/thuneih na leh ahibang bang a authority centre in honpiak bangbang ngah theihnang kalbi hoih tak ahih lam phawk in tua ding in panla in kisa leng.Huaiziak in tuhun chance/hunhoih/hunlem a laksiam poimoh petmah ding a,pau le ham,beh le phung,chi le kuang a kikhen nate koihmang in,siik (iron) bang a asat laimah in pangkhawm dialdial in sumengmeng,phumengmeng ni,ahong khin a hong votkik ma in chi ut dan ihi.
Huaiziak in heutu leh makai kichite; MLA,MP,MDC,JAC,JPO,Student Union/Organisations, Women Wings,Civil Society tuamtuam hi'n Saptuam sung ah leh Pawlpi sung ah hita leh,mipite,constituency mite,gam mite,ward/Area sung a mite,nachi nasate sik le tang a palai/midle men/woman ihihlam mang ngilh hetlouh adeih huai.Huan mipite makaihtu ihihdan,mipite ziak a heutu leh makai a pang ka hihdan leh amau thuneihna democracy ahi chih theikom a gamtat leh nnasep kisam petmah hi.Tua ahihman in keimah gilpi,keimah innsung,kabeh leh katanau te kia adia heutu/makai/leader hilou kahi chih theih a,heutu hihna lungsim piching taktawh iheute,imakaihte pii a nna semdin iki chial thakthak kawm un athukia a gam-le-nam itt hilou a ataktak a itt hih hunta hi.Heutu makai leh palai gin-omlou leh gutate ziak in"SALPHA MIHANGSAN" hinna 9 itaan ua,liam le bai tampi i-om ua,buaina nasatak phukha in,nupi/numeite asun azan in innlum ah leng i omsak man nawn kei uhi.Huaiziak in tulel a ibuaina leh mailam hunding gelna tawh,tu'a makai/heutu leh hong hizelding kuapeuh mah te'n; na gin-omna,chihtakna,muanhuaina,kuhkalna leh dawhzawhna te uh honsuah thak a,angmasialna,huaihamna,duh-amna,nekguk takgukna leh golhguk nate apan kikem siangthou a,sum-le-pai a kizuakna leh kileihun hinawnlou ahih lam phawk a tuabang thilchin leh lungsimte paitem bang kuahlou di'n hanlung hong chiam mahmah un aw.Bang chibang koimun peuh a heutu/makai ihita zong in khanglou a pil hun mahmah ta hi,azekai leh akikhel lam leng hiphialta hi hang.
Tuabang ahihman in mipite'n leng heutu leh makai iteldan bang achi a,thuneihna hong neih hun ua hon leisa/leikhit te ihi hia chih kivel hun mahmah ta hi.Aziaktuh eite,makai heutu leh ipalai ding uh abawltu,asawltu ihih man un,sum le pai,beh le phung,tanau lainate a kizuak a ki-khawng nawnlou di'n panla ni.Huchi komkom in makai leh heutu te zahtak a pahtawidan leh zatdan leng isiam uh kul mahmah nawn hi.Ki nungthuap a ki tawsawn a ki dopkang dan isiam uh hunta a,ki gensiat ki tuambawl hunte mual-liam ta hi.Tulaitak a ibuaina un pankhawmna,chihtakna leh gin-omna poimoh ahih man in leh imaban ding uh lampi hoih leh deih huai gek/naih/teuh mahmah ahih man in kua peuh khanloh a pil hun mahmah a,ahun laitak leng hi khading ahih man in bohfuh/hihfuh kisam petmah hi.Aziakbel Itenna Manipur State himahleh,majority/Meitei te'n lah foreigners,outsider,refugee te chia Tribal/Hill Area mite honkoih ban uah,hawlkhiak theih nang lampi sialsial uh,huchih komkal a heutu leh makai dia muang mahmah leh deih thawh tak a eite'sik-le-tang a mipite palai dia itel/elected ai-awh te'n lah hon zulhzau san zel/veu ahih man un,mipite,makai leh heutu hilel lelte leh hong hizel dingte'n i khanloh ua i pil mahmah uh hunta phetlou in kal/step nakpitak a isuan khawm dialdial uh hunta a kisam in poimoh petmah ta hi hang.Huaiziak in "KHANGLOU A PIL HUN TA" isa nai kei lailai ding ua hia..!?!?!.