I HOIHNA DINGUA HONGTUNG HI DING HI
Dr. Pum Za Thang Tombing,Adviser,Manipur Tribal Union, Bangalore.

Tulai Manipur Tribalte buaina tungtang kangaihtuah chiangin, Pathian in ei Tribalte hoihna ding a hon tunsak hiding in gintak huai kasa hi. Ei  pau kitheituahte kihou theilou a i om om lai un,  Talpakte’n, “kithutuak in pumkhat in omta un” hon chihna uh hiding in a gintak huai hi. Tu’n common enemy ahon bawlsakta uh hi.  Tutung tak tak in tuh Manipur Legislative Assembly in August 31, a Bill thum a passed uh deihlouhna in Ei singtangmite’n kiphinna inei ua i sisan uh aluangkhawmta hi!  Hiai ituailai mihangsante’ sisan in Singtang mite’n Separate Administration ineihna dingua site ahihziak un zahtak(honor) huai uh hi. Amaute’ sisan luang  a thawnkei ding a Tribal Hill State imuh na ding ua gahmasa leh lamsialtu hi ding uh hi.

Hichibanga separate Administration I neih kei uleh ei inmun leh igam uah mikhual leh kolbulh in I om ding uh hi! “Hiai hun a bang mah genloua na daih dide leh huhna leh hotkhakna (Manipur phaizang mite kiangah) ahong tung dinga, nang leh napa inkawte (Manipur Singtangmite teng teng) na mangthang vek ding uh. Hiai bang hun a dinga ( thum tu leh  igam adinga pangthei) dia hong piang na hih mel kuan atheia eita ?“(Esther 4:14). Gam neiloua I innmun a mikhual leh sal kaiha I om sang un Gam ineihna ding uh ahih nakleh sih-le-man, thauvui thautang thuakleng zong, khang nawnte’n a hon hamphat pih theih nading uh ahihnak leh aki man zaw lai ding hi. Huaiziakin tutunga ithil tuah uh, Pathian in ihoihna ding ua ahon tunsak hiding ahi, aziak pen Pathian theihlouha thiltung bangmah omlou hiven.

“Kiala puksite sanga namsau thahte ahoih zaw uh hi” (Kahlate 4:9)