Meithainu' Mulkimhuaitak A Thah In Om
By : Hauzel Gou

Persian Gulf tuipi pang a om hiai khopi tuh Arabgamte’n a kisaktheihpih mahmahte uh lak a khat ahi a, thamlou in Middle-East gamte’ lak amuanna-bitna khopi ahi chi’a  chiamteh in leeng ana om bokhi. December tarik 2 tuh agam in suahtakna(National Day) a ngahni uh ahi a, kumteng in athupi thei bangpen in lawmsek uhi.  Angeina bang in 2014 kum in leng hiai National Day  tuhathupi theipen a lopding chih tuh agam sorkal tungtawna puan in om nawn a,ahun tunma kal 2 khawngin asaplai in,kisakkholhna nasatakmai in nei uhi. Khopi sung-le-pua banah kongzingte akilawmthei bangpen a cheimawi in,nitak chia’ngbanginrong chii tuamtuam zang a kibawl light vaak khe singseng te’n hiai khopi tuh kilawmsak tuan mahmahuhi. Kuapeuh in hiai ‘National Day’ tuh ngaklah chiat hile uh kilawm in phe vengvung ua,  khotual tangval teirawlte bang phurdiak uh ahi ngei ding a, National flagkhawngzang in,a garite uh bang nalh taktak in hon cheimawi uhi.

December 1, 2014 ziing ninou tuh, ahunbang in hongsuak nawn ngei a, nidang bangmah in khaw omdan  nuamhunphet in, huihsia’ng  nung  hiauhiaute’n hiai khopi tuh gimlimsak tuan mahmah ua theih in om hi. Hiai Decembertarik 1 pen National Day adiatunkimni ahihdungzui in, sorkal office leh skul khenkhatte khak  in omveksim uhi. Himahleh tunkimni chihmahtak bazar leh shopping mall te angeina banga kihong in, mipi bazar kai tampetmah hi. Hiaini’n tuh lamdang takmai in, agamsung pumpi phawngzou hialding in poikhoihlou meithai Ryan tuh mulkimhuaitak a thah in ana om ta hi.

Tualthatnu’Alaa Al Hashemituh kum 20 lel ahih apat in hiai leitung khualzinna honpan a, mouthak in hong omngal hi. A pasal Mohammed Al Habasi Al Hashemitoh 2005 kum in itna gui khaubang kipsak di’n ki khutsuihna ana neita uhi. Apasal tuh migilouahihziak mah adiam mite’ lungsim thuzohtheipi khat leng ana hi a, UAEgamsung chauh hilou in, khovel mun tuamtuam tokbuaitu’ ding in azi Alaa Al Hashemi  tuhthuzoh in, honzang toungal hi. Asungkuan dangte uhtoh kikawmtuahsak  ngeilou himhim in, naakpitak in gilou hinkhua zang di’n azi tuh sinsakna honpe ngal hi. Huchi’n kum 10 phialbang Al Qaeda heutute apat sahkho sinsaknate hon ziltou zel in, video clip tuamtuam zangkawm in, bangchi bang a tualthah ding hihiam chihte zil in honneitouden hi.Khovel pumpi’n atheihphakAl Qaedaheutu lianpena kigen aphamta Osama Bin Laden leh Abu Musab Al Zarqawi te’n online tungtawn a kisinsakna dia akoihte ua pat bang in hong kisin touzel hi. Hiaibang gindan kisinsakna dia kizang website Al Minbar Al Jihadi Al E’lami( the Jihadi Media Platform) tungtawn in naakpitak in pan honla tou ngitnget hi.  Tuaphet hilou, bangchi bang a bomb bawlkhiak ding leh hiai gamsung bangchi bang a sukbuai theih ding hihiam chihte tuh hiai nupate’n atup pipen uh ahita mai hi. Sum-le-pai ale tasam hetlou uh ahih dungzui un, khovel mun tuamtuam a helpawlte bang leng naakpitak in sum-le-pai ah kithuahpihna pezel uhi.

Alaa Al Hashemi’ te nupa in Yemen-a omAl Qaeda sung a member poimoh mahmah  Musleh kichi kiang ah sum hunkhop a guai in UAE gam sunga muanna-bitna omlai hih beisakding in ana tawsawn nilouh uhi. Alaa Al Hashemi’ pasalMohammed Al Habasi Al Hashemi  tuh November 21, 2014 in Abu Dhabi police te’nhon mankhia ua,huaini’n a ziAlaa Al Hashemi’ lungkhamleh mangbang kisa in, a innsung a akep gige ISIL’ te  flag bang hon haltum ngal hi. Police te’n ISIL toh kizom ahi uh chih atheihkhak di uh alauhziak a hiai flag hon haltum ahi hi.  Helpawl tuamtuam toh kisai a video clip leh limlak tuamtuam a koihna external drive aneih teng leeng huaini mah in munbit zaw ahhon kemmang ngal hi.

Abu Dhabi Police in apasal amat zoh nung uh kal 1 hiam paipan in, a nnasep ding honpan ngal hi. November 30, 2014ni tuh ahongtungta ngei a, annasepna di munte taxi hire zen in ava enkhe masa hi. Hiaimun tuh khopi sung chiah ahikei a, khopi apat gamla lawlou  gari a minute 15 vel taina munReem Island sung a om Boutik Mallkichi ahi.Huchi’n tua mun va enkhe zou in, taxi mah a hong kiknawn in tuipi nawl a omAli & Sons building kichi a sawng 6 na ah ahomework nihna mun ding hon enkhe nawnin lungtunhuai huntawk a sa hi. Hiaimun pen tuh ama khutsuak mahmah bomb thaang akamna mun di ahi ngal hi.
 
Kum 30 vela upa Alaa Al Hashemi a dia ni poimoh mahmah  December tarik 1 tuh a hongtungta ngei a,himahleh meithai Ryan a di’n zaw aleitung khualzinna azohni ding ana himai mah hi. Ziing nisuak kilawmtak maite’n tua khopi tuh hon sal singseng kawm in muanna-bitna khopi ahihlam kilangsak sawnsawn hi.Himahleh hiai December tarik 1 ni’n lamdangtak mai in hiai khopi in tuh mite muana-bitna ana khahsuahta mai hi. Huchi’nAlaa Al Hashemileapoimoh bangkim a gariNissan Armadaa guang in, a gari’ number plate digit 2 chauh dawksak inBoutik Malllam hon zuan vengvengta hi. Sun annek hun dak 1 chet agin toh kiton in, tua Boutik Mall kichi tuh hongtungta a,Burqa Hijabpuanakvom hoihtak a honsilh in, agari apat  hong kumkhe ngal hi. HiaiBurqa Hijabkichi tuhMuslim’ numeite’n amitchauh uh dawksak a, ataksa pumpi teng uh atuammang zel na uh puanaktual vom chi khat ahi.A puanak kawm ah temta lianhun tawk selkawm inMain Entrance ah honglut ngal hi. Tua Main Entrance gate bula, asim ut peuhte adia free a kikoihmagazine-te bang honla masa zozen in, tua zawh innumeite’ toilet lam hon manawh ngal hi. Anasepna di mun toilet ah tuh kigalgingsa diam in ana taangpangta mai a, athei om hile uh zaw kuamah vapai ngam hetlou di hive un chih in om phet hi. Hun tomchik nung in British nupi naupawm kawm in ahonglutta ngei a, hiainu ana khoih ngal ding chih hon ngaihtuah ta  hi. Himahleh hiai British-nu tuh avangin zou lai ahikha ding e…Alaa Al Hashemiin alungsim honkhek guih in,naungek  pawmahih ziak in bangmah ahon lawhkei hi.  Hichituk a huham himahleh hehpihna neukha zaw ana neilai samahikha ding e…… hiai British-nu tuh anau pawmziaklel in asuakta hi.Huchi’n  Alaa Al Hashemiin midang hontumnawn leuleu a, awl awl a kivei kawm in hongpaivela, huchi’n meithaiRyan kichi toh hong kituak guih uhi. Kamsiam leh kingainiamtakmai in a panpihna hichi’n honngen‘vualphaloute’ toilet koimun hihiam chi’n hon dong masa zozen hi. Huchi’a kihou panpan in,apuankawm a temta lakhia in tua poikhoihlou meithai Ryan tuhthakhat in hondawt naw-nawkta mai hi. Ryanin tuh na salua in hong kikoukhe vongvongta mai a Mall security leh mipite’n hon delh ngal uhi. Himahleh  hiaibanga tualthahna mulkimhuai atunlai in kuamah in tualthatnu’Alaa Al Hashemituh matdi ahih lam aphawkpha hetkei uhi. Mipi buai vengvunga a om kal un Alaa Al Hashemiin tuhkintaka a vanzatte dusbin a hon koihkhia in lift lam zuan in hong tai ngal hi. Huchi’n tua Mall tuh nuamtak in hon pawtsan thei ngal a, a homework masa tuh honzou ahita mai hi. A homework nihna hih di’n hong kisa nawn leuleu a,a gari hatdeuh mai a hekkawm in huailam honzuan vengvengta hi. Lampi’a  hongtaikawmkawm in, Royal family a member khat kiang ah “  mujahideente’ na innsung mahmah uh hongtungta’  chih text message honkhak zou in a SIM card hon suse ngal hi. Tuazoh phet in, a mobile dang khat a police control room hon call in ‘nupi khatBoutik Mall ah thah in aom’chinuam selua hon genkhial nemnum in, Reem Island Saadiyat honchi kha zomah hi.

Hun sawtlou chik hongtai nung in, a homework nihna dia geelsa diam a akoihna mun United Arab Emirates khopi Abu Dhabi tuipi nawla building sawng 6na a teeng   American- Egyptian doctor khat Dr. Mohammed Hassan inn nuai tuh hong tungta hi. Kintak a amun naih vengveng kawm in thilbangkim tuh feltak in hon saingal a, abomb fuse te mansa diam a koih in Doctor pa inn kong ah tuh bomb thaang honkamta hi. Hunsawtlou chik nung a puakthei ngal di’n hon taisan in, lungmuangtak in ama innlam hongzuan vengvengta hi. Vangphathuai chihdi hia tu’a bomb tuh ahoihlouhna khat om ahingei ding a, ahongpuak theita kei hi. Hunsawtlou chik nung in Dr. tapakum 14 leldi mi in hon musuah in police te’n tua bomb thaang kikam pen honla kheta uhi. A homework nihna tuh fail hongsuak mai a, himahleh akhatna lohching kisa in kipak veve thou hi.

A  ithuai mahmah meithaiRyan tuh amintawn Ibolya Ryanahi a,kum 11 lel a upa atapa (twin) nihte toh United Arab Emirates khopi Abu Dhabi ah khosa in om lel uhi. Atanu upa pen kum 13 veldi tuh a pasal luiPaul Ryan toh Viena khopiah teng uhi.MeithaiRyan tuh Abu Dhabi khopi ah kum 15 bang schoolah teachernna ana semtou ngitnget in, nu’ feltak leh nunnemtak leeng ahi hi. Hiaibang a vangsiatna atuah di lai in,Ryan in atapa nihte tuh tua Mall sung a coffee zuakna mun a nusia in, toilet a zun vatha zuala hongkik nawnpah ding ahih thu atate’ kia’h agen hi. Himahleh tua a hehpihhuai mahmah unau nihte’n anu uh kiknawn ding ngakngak mah le uh anu’ un kiknawn nachangatheipha nawn kei a,huainak sa’ng in mulkimhuaitak a thah in a omzaw ta hi.Ryan tuh kuamah toh kisia a kigalle ahi kei a, mulkimhuaitak a thah ahihlai in, a innvengte’n lamdang sa in leh it huai asa thei mahmah uhi.

TualthattuEmirati nupi Alaa Al Hashemituh kum 30 valzek khawng a upa ahi a, innsung nupi khat leng ana hisam hi.  Aman ta 6 nei in,a upapen bang kum 10 hi in aneupen tuh kha 9 lel a upa ahi uhi. Alaa Al HashemituhNational Day nitak  in Abu Dhabi Police te’n atenna  inn mun mahmah ah ava mankhia ngal uhi. Tukum March kha in UAE gamsung a court sangpen Federal Supreme Court a dinsak in om a,khenkhatte’n lungsimlam buaina khat nei hidi’n gingta uhi. ‘Ka hinkhua a honkol khat om ahi a, huaipen sikha ahihziak a huaitoh kithuah omden kahi’chi’n kipuang zomah hi. Court mai a dinsak ahihlai in, daidide aom zel in, hunphet asak chia’ngngamkhat in hong nuihkhe mawkmawk sek a, akhenchiah lah khitui kai niuniau kawm in hong om thei zel hi.A chetdante lamdang sakna kuapeuh in nei ahi ding ua; mediate’n“Reem Island Sikha” chi’n ana min lawh hial uhi.  Bangteng gen in, kitatkhiaksawm mah leh medical chetna dungzui in hiai tualthahna tuh ama hih mah ahi chi’n court in puangkheta hi. Huchi’n hiai tualthatnu’Alaa Al Hashemituh apaisa June 27, 2015 ni’n Federal Supreme Court a State Security Division in sidia thutan khum in ana omta. Court in UAE president Sheikh Khalifa kiang ah thil bangkim final approved bawl din khak khinta hi. Bangchitukin ngetna nei mah le uh, hiai Federal Supreme Court thutanna tuh atawpna ahimai a, amaban ding tuh sihna in kam akat khumta hi.

(Hiai atung a thiltung, nikum 2014 December a mulkimna bei a meithainu (Ryan) Reem Island a om Boutik Mall United Arab Emirates khopi Abu Dhabi a, thah a… a om na tanchin kon gelhsawn ahi.  – Laigelhtu’)