Internet Scam Apan Pilvang In | ~Mumung Tonsing

Tulai khawvel pai hat mahmah a, mobile phone bang leeng latest chih om thei nawn lou hi. Huchibang khawvel a I din lai in ei singtang mi te leeng hiai khawvel paidan in hon nawk kha dek pan ta. Lamka ah internet om na sawt kuamtak pai ta mah leh mi tangpi’n I zat theih na sawt nai hetlou ding hi. Internet kichi khawvel pumpi zomtuah tu leh poimoh na liantak nei a hih man in , a zang manpha te a ding in manpha petmah a, a pilvang lou/zang siam lou te a ding in lohsapna bulpi ahi a, JAIL lut theih na leeng a hih ban ah neih leh lam leeng butgam na ahi hi. Dotna bangzah hiam dot in kana om kha ta a, ka huh theih bangbang in ka huh jel. Hi mah leh ana tuak khial ta bang leeng a om chih ka theih chiang in poi kasa petmah a, a thei pen leh a dikpen theih ziak hilou in, mipi hiai thugelh sim khate pilvang zawk sem na ding in theih bangbang ka hon lui khe ding.

Tulai in mi tampi te’n internet, nek zonna, theihlouh te theih beh na, dawr bawl na, siamsinna leh lam chituamtuam a azat lai un, ei Lamka te’n Facebook/whatsapp leh video/limlak thanghuai taktak te etna leh download na ding peuh in I zang mawk uhi.Mi’n phone hoih taktak a neih uh leh, a omna munmun uah manpha thei pen in zang ua, train a atuang kawm khawng un a nasepna ua daily report gelh na ding leh update na ding in a zang uhi. Email Check na leh reply kik ding omte kin taktak leh a hunhun in dawng thei uhi. Himahleh Lamka ten internet I zat na uh hou mahmah lai, facebook user tampi kiang a email account/ email ID na nei hia? I chih leh email thei kha nai vetlou uhi. A hih hang in facebook a user ID I chih leh email ID hon gen zel uhi. Huaiziak in I thil zat bang ahia?a min bang ahia? Chih theilou tampi I om lai ziak uh ahi ding, NEGRO te khem zoh sa in I buai thei mahmah uhi.

I gen ut pen gen kik nawn leuleu nile. Email leh facebook ah, lamet huai hetlou khenkhat in USER te sappau in lai hon khak sek uhi. A hon laikhak khenkhat uh hiai bang khawng ahi(Paite pau in kon gelh ding).

Helo, ka min xyz ahi a, ka pasal in hon sih san a, gou tampi hon nutsiat hi. Ka gou luah ding uh ta ka nei kei ua, hiai gou te mi genthei te kiang a piak khiak ka ut hi. A piak na ding ka theih louh ziak in na nang hon muang petmah in na hon huh ka hon ngen a, nang toh I ki thuzak khak hampha ka kisa a , kipah huai kasa hi. Huai ziak in hiai gou te manpha thei pen a non zat pih theih ding leh a piak na ding hoihtak na theihleh hon thuzak kik in chih khawng ahi hi. Hiai email na dawng leh, hiai sum te kon khak na ding in Custom/Government procedure na omna a hih na ding hiai bank account no. ah sum hiai zah hon deposit in chih khawng in hon dawng tangpi ding uhi. Zuau ahi chih I thei a, ahih hang in ei email/facebook a hon khak chiang un lungsim hong thak thei dek jel. Huailou in, Helo, Dear facebook friend, nang a ding in NEW YEAR GIFT/CHRISTMAS GIFT etcetc kon khak ut a, na address hon khak in chih khawng hon msg jel uhi. or Facebook profile ah Address detail sim a I gelh leh “Helo, Dear facebook friend, nang a ding in NEW YEAR GIFT/CHRISTMAS GIFT etcetc na address ki pia ah kon khak, ni nih nithum nung in na mu pah ding” chih khawng hon khak jel uhi. Hiai bang message mu kha nailou te’n a muh chiang un kipak lo petmah ua, tawm lonlon jejen uhi. Sungkuan leh lawm leh vual te bang leeng hilh pah utlou in, a guk in ki muh leh chih khawng peuh ngaihtuah uh hi maithei uhi.Kua a na lawm? Bang sem a? I chih chiang bang in hon iim sim de-da jejen uhi.En lah a thil tuah / a thugen ki khemna ahi chih ki thei lo sim a hon iim chiang a, gingta ken chih sang a, A CONSIGNMENT NUMBER NGEN INLA , HUAI TRACE PHOT IN, A CONSIGNEMTN NUMBER A HON PIAK THEIH KEI UH LEH GINGTA LO PAH KEN, KIKHEMNA TAM LUA AHI TULAI I chih chiang bang in a lametna uh sang lo petmah jo ahi ding a, a gen tute hon bang muhdah pian sim pah mawk ua, lungliap chi hetlou in hon en reu-rau zomah lai uh. Tulai in numei ten hiai message a mu nuam deuh se uh. Ni khat/ni nih hong pai ta, telephone call hon bawl uh, na van ding LONDON/USA/CANADA a kipan hon kikhak hong tung ta, Custom DutyRs. … piak a ngaih ziak in custom duty ding bank account number hiai ah sum hon khak in chih khawng in phone bawl zel uh/msg hon khak zel uhi. Hiai phone number a zat te uh call kik theih nawnlouh a, internet ah leeng a location trace theih louh hi. Custom Duty kichi mi tengteng in gamdang a kipan van hon khak te uh India a hong lut chiang a I piak ahih mah bang in hiai paulam khawng in mikhem ten mi kheem jel uhi. Khenkhat in, ka min xyz ahi a, custom officer/custom a assistant commissioner kahi, na van ding tu tan na hong lak louh ziak in tuni last day ahi ta. Bank Account number XYZ ah sum Rs… Custom duty hon deposit meng inla, hiai address ah hong la in, tuni tan a na hong lak kei leh sorkar in na van a tang ding chih khawng in mi phone zel uhi. Or, na van ding hong kikhak ah illegal goods a om man in tuni mahmah in hiai account number ah sum hon deposit inla, na receipt toh na van hong claim meng in, a huchih kei leh POLICE CASE na nei ding, nang na hih ziak a custom officer pan hon ngaihdam dek ahi na illegal goods toh kisai, chih khawng peuh in mi phone zel uhi.

Hi chibang thil te na tuah khak chiang in gingta mahmah ken or gingta pah ken. A hon khaktu eimi/na mi theih mahmah/ eimi a hih kei leh leeng mimal tak a na ki theih kei uh leh na lungsim ah mun awn dah mai in.

 Custom duty toh kisai ahih leh, advance a piak ding condition a om maithei. Himahleh ei lam te khosakna leh nature of consignment etin, custom duty himhim van a hong tung dia, van a hong tung nung a piak pat ding ahi.
 Vanlian ahih leh CUSTOM OFFICER te a kipan Official in lai, fees/duty/taxes/fine/penalty I piak di teng  hong pai dia, huai chiang a I van valak pat ding ahi.
 Van ahih leh a tangpi in INN ah hong pe ding ua, huai hong pe tu’n I gensa, I sum piak ding zah receipt/invoice/voucher hon tawi ding a, huai chiang a sum piak ding ahi.
 Custom duty ahih leh a hong lut na mun tuam dungzui leh, I courier/postal service/cargo zat a tuam dingzui in a tuam maithei . USA a om mi khat in midang khat India a om van hon khak hi. Van a hon khak na box/booking slip ah a van man value a hon gelh hi  Say Rs. 8000/-, Hiai Rs. 8000 a kipan 10% Custom duty a hon calculate uhi. Hiai bang dan in thilteng  pai vek kholkei mah leh, hichibang a leeng thil pai ahi chih thei maimai ni. Examption leeng om thei veve ahi .

SCAM KHENKHAT:

ü  Payment Transfer Scam Email
Hiai toh kisai North East numei khenkhat thang awk khak na ahi.

Email a khak uh khenkhat,

We are small new firm engaged in export of goods to overseas outside my country.We have won various small exports contract at one time or the other, recently we were (engaged) contracted to supply financial programs for market analyzing, management project software in USA which was successfully done.
Unfortunately we have faced some difficulties while receiving payment for our software in our country as need 10-30 days to get a payment from your country. We do not have so much time to accept wire transfers and can't accept cashiers checks and money orders as well. So we need your help to accept this payments in your country faster.

Hichibang email a khak chiang un mail mu tun’ a lunglut leh a tawpna Bank Account number ki piak ahi. Hiaibang thil te NIGERIA NEGRO ten hih tangpai uhi. Mi Bank Account hack sak ua, Account number ki pia pen ah sum transfer lut jel uhi. Hiai account nei tu’n sum Hackers te kiang ah transfer nawn hi. Police in a kan sui taktak chiang in hackers te awk kha lou ua, account neitu awk kha zel. Commission hoih taktak ki pia uhi. Numei khenkhat, siamna lah ngel lou, vaigam a om, innlam a sum tampi pi khak zou I chih te hiai SCAM a awk kha hi nuam mahmah uhi. Huai phetlou in a awk sa, buaihuai pi mahmah leeng om khin ta hi.

Mobile phone ah leeng sum man/ email ah leng sum Dollar/Pound ZYX na man, chih khawng hong kikhak zel hi. Hiai te leeng gintak ding himhim a omkei. Sum hichibang a ana seeng kha te poi kon sak pih petmah a, hichibang ana tuak lellel leh tuak tou di te’n gingta nawn kei phot ni. Zanlam deuh a mail ka muh khat “Dear WinnerWe are Pleased to inform youthat you have won a prizemoney of(£500,000.00 GBP) by GoogleLottery in conjunction with theGOOGLE GMAILCORPORATION. we collects allthe email addresses of thepeople that areactive online, Among themillions that subscribed toYahoo, Hotmail and
various Microsoft window users,we only select five people everyyear asour winners, we are
congratulating you for beingone of the peopleselected. All participants were
selected through a computerballotingsystem drawn from Ninehundred thousand E-mailaddresses from Canada,Australia, United States, Asia,Europe, Middle East, Africa andOceania aspart of our internationalpromotions program which isconducted annually.This Lottery was promoted andsponsored by GoogleCorporation and aconglomerate of multinationalcompanies as part of their socialresponsibility to the citizens inthe communities where theyhaveoperational baseHowever you will have to filland submit this form to theevents manager

1.Full name..............Contact Address........Age........Telephone Number......Marital Status........Sex..........Occupation......State…Country...............

Contact

Director
Lottery Department
Name: Mr Smith Anderson”

Thudang khat ah,Tulai in I gam uah Credit Card/Master Card/ Visa Card chih te ki zang mahmah ta hi. A diak in Credit Card zang te a ding in pilvang na ding tampi om. Company min hoih mahmah or awm mahmah khat khawng a kipan call na mu maithei. Kei ka min XYZ ahi a, Hiai company a pan hon call kahi. Hial call ahih leh confirmation/verification call ahi a, Na card toh kisai confirm nop hon nei khai. Kou hiai data ka lak na uh ahih leh, kou REGISTERED DATA SYSTEM a kipan ahi. Na Card en leteh a mailam ah DIGIT 16 a om ding, huai te “ XXXX XXXX XX ahi a, adang teng nang a mah ahi hiam hon gen in, kou data a om toh a kibang hiam. A kibat kei leh na Card nang a ahi kei” khawng hon chi ding uhi. Hiai in bang a agen utpen I chih leh card numer a sam lai teng XX XXXX hiai number teng amau a neikei ua, XXXX XXXX XX hiai teng ahih leh midang a toh leeng kibang vek ding hi. Na Card nunglam ah CVV last 3 digits hon gen in hon chi zomah ding uhi. Hichibang Phone call na muh leh ngaihsak dah mai in.

Awle, Gengen leng leeng trick chituam tuam hon zang leh hon zang ding ahih man un I genseng kei ding a, Pilvang huai penpen ahih leh SUM DEPOSIT toh kisai thil ahih nak leh IMM/eembawl lou in mi kiang ah dong chian masa ni. Card toh kisai ahih leh details mi kuamah piak louh ding ahi. Huaiteng baak ah, na Card Details ka nei uh, kou REGISTERED DATA SYSTEM a om vek ahi a chih uh leh, zuau pipi ahi, issuing bank/authority ten hiai DATA te kuamah kiang(Third Party) ah a pe ngeikei uh. Nang theih louh a apiak uh leh issuing authority te sue theih ahi. A hih hang in Security Reason(Intelligence Department/Police leh Ukil) te kiang ah pethei uh a, hiai te kiang a piak ahih leh lung himoh huai lotel lou ding hi. Simtu te pilvang chiat ni.

Hiai ka hon laigelh mi khenkhat in mimal thil ana la kei un. Mi bangzah hiam kana huh khak ziak leh kei mahmah in leeng mail/msg ka muh ziak a kon gelh ahi.