Pheisam Maimai Di Kasak Leh....!!! By : K. Lianthansang @K Thansang Zomi

Kum 2014, February 12 ni, Zinglam Dak 01:07 lak vel hi’n kathei(..?). Ui ham in hong ham vengvung ua, akhen chiang a kap(Cry) ngiau-ngiau mah abat ton uh om hi. Khapi(lian law nailou) ahihleh a vakpha kholkei a(khua a niim ziak in), mualdawn ah tumkhe di’n kisa ta hi. Huih khawng anung hiauhiau a, ka innsak lam ua misi’ inn a lengkhawm(zanhak) te’ khuang gin’ kiza keuhkeuh hi.

Ui ahamdan nidang toh a kibangkei…!! Electric lah vaaklou, huih nung’dan lah nidang toh kibang hetlou, keikia innsung mialtak a om zomah(ka sungte’ misi inn a hoh uh)…!! Nidang toh kibang hetlou in, ka lungsim ah lauhthawnna ngen hong om hi. Huchia ka om laitak in, ka gate uh(langva a kibawl) hong ging a, ka Inn pang(Side) ua hong paiphei om hi’n kathei hi(Phaitam lam manoh in).

Lupna tung ah daitak in ka om a, Ui’ hamging leh aging tuamtuam kazak te hoihtak in kangaikhe kawm a, kalu(head) bang akhen chiang in kaphong gekgak hi. Ka lauhsim ziak hia chih theihlouh in, ka DAILEN bang hongsuak thepthup a, thohlouh a phathei hileh achih huai khop mai.!!. Lin pipi in ka thoukhia a, ka Phone mekvak in, huaivak pansan in Dailen’ Buuk lam kazuan hi.

Dailen’ Buuk kaphak ma(kal 7 khawng a kihal) in, Dailen’ Buuk sung ah tui kitok ging hileh kilawm a ging ka zaguih hi. Huaibanah, Kei ma a ana lut chet om hi awmtak in kongkhak khawng ana liing giaugiau a, himahleh ‘huih in a mut liing hi’n te’ chi’n kei leh kei ka lungsim ah kaki khamuan hi. Kongkhak khawng ging ngiatngiat, asung a lah tui kitok ging bilhbilh kazak pen lah khawl(stop) tuanlou ahihman in kalut ngam zok kei…!!

Huchia sawtsim ka-ngak nung in ka ‘tawlam’ in hon noh gawp ahihman in, “ DAILENG OM MAW?” kachih leh kuaman hon dawng kei..!!. Dailen’ Buuk sung a banghiam om bang kasak ziak in suang(Stone) kala a……nak deuh a ka Dailen’ Buuk kongkhak uh ka deng leh Ui pi sangsia(gawng gimgem) khat hong taipawt ngol-ngol tamai chu, gen di a vaang tel mai….!! Tui kitok ging kachih pen, huai Uipi in tui a liah(lick) ging ana hi maimah hi.

Huai Ui ham vengvung te lak a khat chu ahi peuhmah di(a hamham na a adang taak), ka gate lam ua taipawt in a AW neih teng suah hileh kilawm in alawm te AW sang a ngaihzaw in kikoupah(haam pah) kangkang hi. Kei le ka Daileng mengmeng a, kalung anop hetlouh ziak in kintak a lut in ka lupna tung ka kidenna ngal a, Puan alom-atang a maikhak dandan in kasilh leengluung hi(khaw-ul khawng bang pawtzou hial).

Minute 5 le paimanlou in, ka Inntung uh(kei lupna tung zawn) hong kikhen ging guih a, kenle ‘Electric gui khawng in Inntung a khetkhak zual hi’n te’ chi’n kaki khamuan a, lungnuam tak a om dia kakisak lai in hongging nawn zel a, a ngaihna katheikei. Ka innsung lam ua, mauphel keging dandan leng ka zazui ngal hi. Hoihtak a kangaihtuah leh ka Inntung uh khenkha(Zepkha) di hial a ‘Electric Gui’ kizan om lam katheikei. Huihnung in ‘Sing hiang’ khawng a mutkhiat(Mut tan) in hon denkhak chih di lah Singkung di himhim ka inn kiim ua omlou zel…!!

Huchia ka om laitak in, ka Lupna kiang a ‘Window’ Glass hong ki beng-ging a, ka-et leh muh di bangmah kaneikei. Ka Kongpi uh hong ki sawi ging nok-nok nawn a, kei le ki pasal sak a kong kava hong leh ka innkong ua ‘Annkam(Mustard) kau siuseu’ lak ana liing thilthil hi. Huai kawm lak pansan a nei a, hon khemkhem om hidi’n kagingta a, himahleh mi lian lua hidi’n kakoih kei zel hi(Annkam lak a kibuthei ahih cia).

Lausim kawm in kalum nawn a, himahleh kongkhak bel kakalh nuam tuankei (ka sung-te si inn a hoh hongpai phut thei uh ahihziak in). Lupna tung a ka kaltouh pat leh ka kongpi uh hong ki khuatging siatsiat a, awl a thou khiankhian a kong kahong guih leh kintak a annkam kawm a tailut khat kamu man hi. Bangchi melpu a chih katheikei, khua miallua ahihman in, avom bilbel dan in kamu lel. Huai zoh in, Ui hong ham vengvung nawnzel ua, chimul khawng thou singsing zozen a, dek sam khawng phe siausiau bang uhi.

Kei le Innsung a kintak a lut in, ka Tempawng neih sun-sun uh la in, kong ah ka taipawt a, “ Nang maw hiai annkam te bel(kibuk nadia zang) gige, hon khemzou tuanlou di nahi, non ngam leh hong pawtkhia ou….” Chikawm in ka annkam neih sun-sun uh ka vaat mai(tan) vek hi. Huaihun chiah in chu ka pum in kasa vengvung mai a, lauh di himhim in le kakoih nawnkei. Annkam lak ah ‘Cyclone(Pingpei)’ bangmai in kaki pum pei mai ta hi. Hon khemkhem tu pen koilam tung a chih bel kathei kei…!!

Deihtawk a annkam lak a kava laam(Dance) nung in innsung ah kalut nawn a, kongkhak khakzui pah ngal in ka tempawng toh lupna ah kalum hi. Diip kisai dit-dit leh naak ging hut-hut a ka-om laitak In, ama a sang a nasa zawsem in inntung hongki bohging a, ka inn uh aliing zoih zozen hi. Huaikia hun salou in, ka lupna gei a baang hongki bohging zoih a, lauhlouh theih di vual ahikei. Ki pasal sak tei-tei in, inn apan taipawt bel kasawm kei a, ka tempawng toh Puankawm ah hoihtak in kana pang kinken hi.

A thawmging zaklouh deuh khak leh chi in, ka ‘earphone’ ki kai-awk pi, chi liing kawm in kaphel a, ka Phone a Pathian Laa( Gospel Song) om tengteng ka ngaisuak dimdem hi. Phone a ka-et dan in, Dak 02:00 am bang ginghial di’n a kisa ta a, thawmging bangmah kazak nawnlouh man in, ka la ngaih ka ‘Off’ hi.

Thawmging bangmah omnawnlou chi a, lungmuang tak a ka-om lai in, ka kongkhak uh hong kihong ging ngiat-ngiat a, innsung a honglut khat chu om hi’n kathei. A Paidan(A Pai’ ging) apan in milian lua ahih kei chih leng kathei bok hi. ‘Ka Sungte hongpai le uh lah ka gate uh hong ging ngal di hi a….’ chih khawng ka ngaihtuah sung in ka ‘Ann Huanna Room(Kitchen Room)’ uah alut phei a, Cooker kihong ging khawng kaza hi.

Huchi tan kia a lungkimlou ahi ngei dia, ka lupna lam naih a hong paiging keuhkeuh kaza nawn hi. Ka Room lutna di a Parda(Puan) kikhai pen, huih in amut lem hi awmtak in hongki leem petmah ta hi. Ka tempawng chu ka simgaak khopmai (Khut bang ul-suak zozen). Puan kilukhuh kawm in, puankawm apan kana en-gu keukau a, naak ging bang awlsak zozen in, a chang a naaklou a omkhak ton bang om thepthup hi.

Bangmah muh kaneikei, himahleh ka Thousilen(Mosquito Net) khuam a kaltou khat om hi’n kathei a, lah a en di’n ka taang ngam nawnkei..!!. A Tawp in chu ka kidek zou nawnkei a, ki pasalsak teitei in, ka tempawng liiktou vengvong kawm in kapuan silh ka hawk a, ngaihdeuh leh heh awsuah deuh in kakikoukhe tamai hi.

Thousilen khuam a kaltou pen in le honlau chu ahi ngei dia, Inntung langva bang a phuging tou buk zozen hi. Inntung agin zoh sawtlou in katuanglai uh hong puak khuut zozen a, kintak a kana et zui leh Numei naupang, samsau ngihngiah banah akhe khatkia om, mu dan in ka kithei man mial-mial a, kintak in ka lupna nuai ah akikhuk lutphei ngal. Lupna a kumkhiat di lah, vot ngeknguak khawng in kakhe a honna mat guih di kalauh ziak in, ka kumkhe ngamkei. Khua vaak zok leh a chih huai khopmai…!!.

Huchia, om-om chih nadan omkei chi in, aw liing pelpelh kawm in, “ Kua nahia? Bang a nadeih?” ka chih leh Numei naupang aw ngat tak hileh kilawm in “ Pu aw….kei kahihleh mite’n PHEISAM hon chi ua, dik le adik mah ahi…..ka phei(khe) langkhat a omkei ngut a…..himahleh kei utthu a huchibang a phei(khe) khat vuak toh om kahikei, mi bang a bukimtak a om utlua kahi. Pu aw…ken nang hon sukbuai sawm kahikei, deih bangmah kaneikei a, ahihhang in nakiang a gennop tamlou kaneih ziak a hongpai kahi….” Chi’n hon dawng tiautiau hi.

Kanaak huai zozen a, ken le awneem tak in, “ Nagen nop omleh hongen in, kana ngaikhe gige, himahleh non khembawl masak ziak in ka-om anuam theikei….” Kachih leh “ Pu aw…Innsung a konglut dek leh ui hon in honna nakh(Bauh) ua, ken le laulua ing a Inntung kaboh touh leh gingngaih lawkha ahi. Huainung in na bang uh pansan a awl a kumsuk di kachih leh angaih lawkha zel a, Window a konglut dek leh Glass ana om zomah a, konglam a konglut dek leh nang kong hon hong phut chin a, kei le kisuanglah lua kahihman a, na annkam kawm ua ka tailut mah ahi ” hon chi hi.

Huaizoh in hichi’n hongen nawn hi. “ Pu aw….hiai a na tenna mun uh nidanglai pekpek a, Inn nabawl ma un Janglou(Tuilou) di’n ana kibawl a, ka Nu leh Pa te’ hunnuam zatna mun ahi. Hiai mun a om ziak a, kei mibanglou tak a ana piangkha leng kahi bok hi. Pu aw…kei kahihleh kanu gilsung a ka-om lai in siik(Iron) chikhat in hon tep(Sun) zialzial ua, naa sa leh mangbang tak a kakikou kou tuai-tuai hang in ka aw ngaihkhiat in a omkei, ka Pa leh Doctor khat pau’ging kaza a, kanu bel naa sa hileh kilawm tak in, athuum hit-hit lel. Ama’ lemsakna bang a Doctor pa’n kei hon tep zialzial ahihman in, bangmah dang agenkei…..!!. Atawp in chu, kanu gilsung apan hon kaikhia ua, ka Pa’ mel kamu mancheuh a, kanu’ mel-le-puam kamuh ma in Polythene sung ah honguang ua, guam(lui) khat ah honpai maimah uhi.” Chi’n hongen tiautiau hi.

Gen di dang katheikei, “ Tua nong kipatna lam ah nang bangbang natam uh hia?” kachih mawk leh “ Pu aw…kei bangbang katam petmah uh, akhen te ngial a pumpi uh zaak gawp bang, Damdawi ziak a dup dilhdelh leh daang kiuh-keuh bang katam mahmah uhi. Niteng in kaki behlap gige ua, adiak a khawmial(nitak) hun chiang in kaki behlap nasa mahmah uh. Pu aw…ahihtheih leh kei bangbang a naungek deihthohhuaitak, keikiang a hongpai dia kisa te’ a khaam khawl didan hon ngaihtuah ve, nang nahih zohlouh tawp in Upa, Pastor, Numei Pawl leh Pawl tuamtuam tampi a om ve uale….kei bangbang a haksatak a hinkhua zang di’n naungek khawthei nailou-te kaphal kei, hehpihtak in kon thugen te adiak in Nungak leh tangval lai-te kiang ah honna gensawn sak in aw…” honchi hi.

Ka thuzak in kalungsim honkhoih mahmah mai, dai sipsip a ka om laitak in kongkhak kintak a kihong leh kikhak zuingal kaza a, a pawtkhia om hi’n kathei hi. Ka lupna nuai ka et leh bangmah muh di kanei nawnkei. Ka Phone mekvak zel in, ka Room sungteng zong mahleng Innhik neng le muh di kaneikei. Ka thuzak lah ka bilkha a gingden. Ka manglam chih di lah hilou deuh, tempawng khawng ka lupna tung ah om velvual maimah ahihchiang in ka manglam di’n kagingkei.

Huchia ka-om laitak in ka Sung-te hongpai ua, “Innkong a annkam kung te akitan vek a, bang chidan a?” chi’n hon dong ua, kagen masak di pen le kathei kei, a hai zaw kahi sam kei. Ka dang a awk a, Naungek khawthei nailou tampi thah a om gige uh ahihdan kagen daih a, annkam kung ka sattan lamlam kagen khakei. Huai nak sang in, Pen khat ka la a, Pheisam(khesam) a om Numei naupang in hon thilgen te ka gelhkhia a, kei zakkhop in, “ PHEISAM MAIMAI DI KASAK LEH…!!” kachi numnum hi.

1402 – KAKIPAK - 2014