KHANGTHAKTE LEH POLITICS:- By L C Neihsial.

Tulai tak ah Political Party minthang pen leh mipi bildaw pen ding ah ginchak um AAP (Aam Admi Party) hi ahung kipat naziak tak chu Political Change leh Anti-Corruption ahi pen hi. Hima leh Khenkhat in ahun hungsawt dungjui in a party hi hungchau tha ding in a gingchau ah, khenkhat in a mipi te kiang ah a kitiam nau hi supi ting joulo ding ahiu ua, danle hung zahuai ding ahiu ti pawl le a bei puai. kumkhat bep ah upa AAP hi amasa pen ding in Delhi Assembly election a chun Government form ding in a hung um tau ah, ani ani in Mipi te toh pangkhom in nasep a pan ngal ua, tuni tiang in Delhi sung bep hitalo in India gamsung pumpi ah party lar tak a hung hi ta ahi. North East tiang inle a min chia mama in Lamka sung tiang ah le Regional Office, Vengnuam New Lamka a hon ahi thu akihe jel ah, ahin tuni i ngaitua ding ua ka dawi chu AAP party phudok khel a ngai em? AAP te thiltup gual hin eilam khangthak ten le thilpha bawldaw theina di lampi a um diam?

Adiak ah manipur Politics i et ahi chun, nekguk, chakguk ti taklo ah tualthana leh pawngsualna gam, khamthei zawk leh bawl tamna gam, natna hawilo kipatna munpi leh Thingnuami (Militants) tamna mun ti a hetin a um tai. atileh khangthak te lekha thiam te, migam mi inn ah thiltung hethei te ihi tau ah, tuni hin nangin bang ngaidan la nei em? Election hun tak leh vote i zuak ua, sa i neu ah, gari'n i tai vel vel uh ahi kha. MLA election ah ahung ting te khun a tit nung un mipi te lak in vote ahol lai gual un um uh henla Mipi te lung hawl in mipi te lemti pi na ngei in vawhawmna hi um thei henla hile chu gam khangtou mama hidi i hiu. AAP te hin Govt. of the People, by the People and for the People ti hi a chiapi deu pen u chu ahi.

Khangthak te hin AAP leh Party thak i poimaw pen uh ahi pua, i pawimaw pen ua ka mu chu ahi leh politics ah ki gawl te hin AAP gual ah panlakna hi ahi. ami, asa leh a gam kibangthou ahi ziak in bangto gual party himai leh le lunggel leh tup leh hindan thiangthou i nei masiau chu a ngei ngei hiding ahi. manipur a politicians ten kithuneisak tak mai ah, mipite thathengtu/sawlchak (representatives) ahilam uh kihelo ah, elected ahitak ua leh mipi te leng (King) gual ah aki ngai ua, VVIP light (Beacon), security leh Kithupisakna chawndan ahung mat pai ngal ua leh amipi vote pe te mama a ding ah phun nawina leh haksatna a tung sek hilo ahem? tuhinle MLAs leh i Politician te uh en leu hin, election lai ah chu nuamtak cha kiho pi thei, a inn ua le ann nek jing thei, sum leh pai le a dawilo natiang le hawmjiang te kha tuhin a khuti zawm in la mu uh em? Lampi (Roads) election dikuan ah muntin vakvial na maw hial a black topping kibawl kha tuhi khoigam pha hita? VIP light toh police security toh Public mun ah ahung tai tak ua leh mipi a vote tute lampam ah umte khenkhat nasan side lei pe puau tia security te vok sak leh mipi nautang gari tai ten dinsa ngakmai ngaita hilo ahem? election lai ah a inn ua lava chia ah Sum neukhat ahung pia, kalkhat in a kichaita khala.. election hunkik chan la nek holdan ngai ngai ah la hawlkik ngaijel hilo maw? Contract hung ngaitua sak ka a tiu ua, la ngaitua na 50% lam lam seng ah la ngaitua hilo mo? sepna la ngaitua leh sum bei in a hung pe diak sam ua hem? Electric meivak kiningting tak in la mu ta em? a vak jan ah le TV Channel i hol ah i channel et ut i mu kal a mit man hilo maw? Village Community a ding ah development Fund mutu ding chu khawsung ah mi pauthei deu leh mi hausa deu te hilo maw? La ut hun hun in MLA te lava kimu thei in election lai gual in ala houpi nalai uh em? Election hun in zia pa kha a pha puai, ama hi a phai la tia la vote tu kha a pha taktak lasa nalai em le? Pha lasaklo ahi chun bang la tidiam? thipbekcha um mai di maw? politics mong mong ka khoptai tin lakilep mang go mai em le? kuama ginchak thei ka nei puai la ti jo em? nang gual gual chu Manipur ah 80% sang a tamzo um ei veu...

Manipur khantou na ding ah Government in pan lakna a hung gen taktak u leh dikthou jel eivei maw?? Congress te mama support kik mai di lung gel bang um jel.. BJP chu Kolte (Hindu) te Party a ngai ah doilo mai maw? Party dang chu la het chetlo leh neu lasak jiak ah belkham a ngailo maw? a ti leh Congress leh BJP (Party lian) la bel jiakin la gam leh nang a ding in bang a pha chuam tam? Politics i genkhak le la luaksuak khawlaw bep hilo maw??? Kochuam ah lunglut kisa leh Kochuam Upa kisa ah Vote khiakna ah pangut lo le ki um nalai kal ah MLA te Kochuam Upa ki pung tultul mai ta hilo maw? i Politician teu in thu a gen tak ua leh a tangpi in Damtheina lampang etkai ding, Electric meivak kiningting tak ah neiding, mipi te Haksatna hiatpi ding, mi gentheite panpi ding, Sports development leh Youth research lampang ha bawl ding, Lamlian siam hoi ding, Lei (bridges) siamphat ding, Nekguk chak guk doudal, Education puaphat ding, Kichanau na sukhat ding, Namkal buaina umlo na ding ah panlak ding, etc.. ziaho sang a tamjo nalai maithei.. a doudal na ding ah Central Government in RTI (Right to information Act) hung phudok tau khala.. atile RTI ziak in Goverment in action bangjat ala ta em?

Gam khantou na ding in Phaisung bep puaphat hi a hidiam? Thingtang gam hi Government in pua pha tok lasa tam? MLA i tel daw teu a Constituency ua um kua la he em? Imphal a ki gawmkhom uh hilo maw..? Assembly session umlo hunsung ah khok khok ah a constituency sung va taw tha jialjial aki tam nai sam puai maw? Central Government a kipat state in Budget session takle 600-700 (approximate) crores central a kipat a dawnsek ua, a mu ngeisek ui. zia zat sum chu khoi ah ki mang kumkhat sung a ding ah 60 constituency 60 ki hawm le 11 crores lam ting ahi. Lamka ah en ta lei Constituency 6 akinei ah 11 x 6 =66 Crores chun Lamka a ding ah kumsin ah sum development leh thil dangdang a ding ah kimang thei di hile kilom tak ahi. kum khat a zia zat chu hita leh kum 5 sung a chun Rs. 330 crores chu term khat a ding ah Churachandpur district a kipat constituency 6 a i tel daw teu in a mat thei zat uh ahi. ziazat senna district chu hitaleh kum 30 lam bang ahita.. MLA i nei ua kipat i gam a ding ah sum kisen thei jat sen hidi hileh Rs. 330 x 6=Rs. 1980 Crores bep hidi ahi. atileh lamka sung ah Lanva lei a kipat Police station sung tiang le Black topping kitup tak a tutiang a kinei jou nailo chu bangjiak ahi diam???

Government in Thiangtang gam a ding ah Scheme bangbang a siam tam? Sports lam lunglut mi i hiu ua, State in gamdang mi kihel theina ding ah a neisun Khuman Lampak Stadium tilo umnailo ahi. zia chule manipur Budget panglo ah National games Special budget Central a kipat kibawl hinalai ahi. mi genthei te a ding leh chaga te school kaina ding school institution bangjat a boldok tam? SSPP Residential School, Saikot Children's Home, Covenant School etc ngailo ah Govt. Fund ah ki ningting tak a michaga kichom zo di ahi. Medical Institution RIMS, JN Hospital gual a dang bangtik a um kik ta diam? Thanlon, Henglep leh Singat area ah serious case deu ah Lamka damdoi in ani leh jan lut hial ah first aid natiang umlo ten a hung del ua leh Lamka damdoi in ten Imphal Shija Hospital ah refer bawl thou thou nalai hilo maw? naunei di Operation bawlthei le ki um dukdak nailo, Sum neilo te Government Hospital ah a iki et sak leh Saridon leh Paracetamol ei piau ah kiki le kik jel, Specialist a tiu ah Private a kibol jel, iva chia leh 200-500 kikal ticket lakman, damdoi tampi eijiksak diu, or Shija Refer hijel.. Damlo gimte a ding ah Ambulance piak tile umlo, private gari hire system a del ngai, a neilo deu ten Auto bek a kiti na kal lak khat ah lampi Bandh di pawl la beilo. Election lai ah imi zui u leh i ginchak mama teu in eitiam u kha khoilam pha a ta diam le? i MLA te uh Imphal ah Inn mun neilo a um uh em? Building neilo a um uh em? a chate gamdang a school/college kai joulo a um diam uh? Car hoitaktak neilo kua maw um? i gam chaga deu deu i gam a ding ah representative i sol teu la hausa deudeu bang tita ding? I gam hausak sak masak ah, i gam in hausak na ei pe zaw leh mipi vantang a ding in le thamuan um mama ding ahi.

Manipur thingtang gam ah development imuthei uh umsun chu job card nasepna ahi pen hi. Zia chu Central government in NREGS leh scheme dang dang mangcha a manipur government sum sukhalo a kibol hinalai ahi. Chun central akipat scheme tampi direct in akimu sek ah ziahi I politicians teu kisel guk namai ahung hita hilo maw? I politicians teu I gen jing lai un beaurecrates inei teu le bangchuam kihi diaklo ahi. Office zosia ah Cha thaknaba umlona a vang mama hi. JOB card ah I hausa teu material cost diktak a mang kua? Contractor 100% ah nasem a um diam uh? Council/education department teacher posting na mun ah regular tak a sem mi bangzat? Government job nei ngal a Job card holders bangjat um nalai. Mi hausa BPL (Below poverty line) card nei bangjat ihi ta diam uh? Zia haw zosia ah ki gol Politiciante, Bureacrateste, Contractorste, khaw hausate etc etc panglo in mipi nalan 70% ki um nalai ahi. Mi phalo te I gam leh imi hina tiang ua ki hel te hi mun pe ta puai tiu. Ase tasa himai lehle asiamphatu ding nang leh kei I um nalai uh ahi. I gam leh insung buaina hi kihiatlo sak tei tei la go nalai emle? Mimawl, michaga, mi pauzoulo lasuapi tamtak in nang ahun ngakzing uh ahi.

AAP din ziak in zia a chung ah haksatna i tuak zosiau hi siamphat thei ahi diam? ahilo ahi chun AAP strategies mangcha a khangthak ten panlak hun ta hilo maw? khangthak te hi 70% voters ihiu ua, i siamphat ut taktak ua ahi chun nang a guk ah lasum mu na leh Politicians te la kihiatpi na kha taisan inla thudik leh Lampi dik hi haw in panla thak tai tiu.

"Youth is the Future of the nation"

You Decide.

By:- L C Neihsial, Shillong.