Muhchil sin a siat ka ngaih aw
Na vang mu bang ko'n ngaihmanin
Zehzum teng dai bang nawk ing e
Sinlouh teng siam bang sin ing e
Kumsawt na sul ko'n zuih nua
Tua sulkiik ka hei ding zaw
Lou bang ko'n hialzou diam chi'ng

Muhchil sin a siat ka ngaih aw
Na nua chiang vaih ding gelngam la'ng
Lenkumvei silkum dang ding a
Ko'n ngaihna dang ngeilou ding aw
Solkha leh si-al tang bang
Nichin puan bang thak ding aw
Sinlai a thamden ding aw

Muhchil sin a siat ka ngaih aw
Na pal loulah a ka hin sa'n
Na zua' chialdoh tamnou tung ah
Sunchin-zanchin na mel mudi'n
Heisa'n kai leng nuam zaw'ng e
Heisa a ko'ng kai leh ngaih
Ka duang no'n zuun nuam diam chi'ng

Sin a siatsa ngaih lungching aw
An bang ko'n itna chikkum in
Zing dai bang a theng diam chi'ng e
Phamta leng zong ka laukha in
Ngaih aw hon chichi ding a
Kulsin a pou lumsuang in
Na sakmin lou lai ding aw

Sin a siatsa ngaih lungching aw
Khakiak simthu ahong than chia'n
Sihsial bang hon delh ve aw
Tangliang ka sakluang dai a dam
Na silhpuan in hon hui aw
Touding lengvan tuanglam ah
Na silhpuan baat nuam ing e

[First, I have loved thee
 Endure all pain, second
 Last, be drowned in my own tears
 If love shall ask
 Certes, I shall forbear
 If love shall ask more
 All the more I shall give
 
 Sweet are the tears shed
 O, tears of longing
 Ne'er shall I bade thee goodbye
 Ne'er shall I fare thee well
 Alas, my love, I have loved thee!]

@@@@@@@@@@@@@@@@@@@@@@@@@@@@@@

Muh tung apan ka lungtang a ka siat/koih ka ngaih aw, ka hon ngaihman in zumna leng khawksalou in ka om a, hihlouh ding teng ka hih a, sawtpi ka hon zuih nung a tua ka hong tawpsan ding zaw, ka hon tawpsanzou mahmah dia hia?

Muh tung apan ka lungtang a ka koih ka ngaih aw, na vangngai a lungzuan ka thuak maimah ding ka ngaingamkei, kumte hong kikheng zel ding a, ka hon ngaihna zaw a kikhek ngeikei ding.
Khapi leh aksite bang in niteng in ahong thak zel ding a, lungtang ah ateng den ding.

Muh tung apan ka lungtang a ka koih ka ngaih aw, hon tangzoulou a ka hin sang in niteng a na mel mu ding in na kongtual ah sahei in hong paak leng ka ut zaw. Saheiin hong paak leng na hon keem nuam diam?

Lungtang a koihsa ka ngaih aw, kon itna chikkum in a bei ding hiam? Si mahleng ka kha in 'ngaih aw' ahon chi lai ding a, ka hansuang nangawn in na min ahon samlai ding.

Lungtang a koihsa ka ngaih aw, ka sihthu nana zaak chiang in, ka luang hon delh in aw, ka luang vot na puanneem beek in hong tuam ve aw, van lampi ah na puan beek ka silh nuam...