Siapa Toh Houlimna By Naulak Pauthiansiam
Nikhat tea break neih zou ka heutu-te uh khat(Theology ong hilh tu) toh 30minutes di khong kihoulimna in hun kon zangkhom uhi. Hiai a kaki houlim nasan uh ahihleh maban a gelh di khat naa ka neih ziak a huai toh kisai in a aman bang ngaihdan a nei hiam chih ka theih ut ziak tuh ahi peuh mah a ka topic uh ahihleh ''I TAKSA PATHIAN TEMPLE leh SIANGTHOUNA'' chih ahi huaituh malsuah suah bial lam ngim kom (North East India context focus) a kihou kahi uh. Awle.... Kong ki houlim panta ua ka kiang a thu hong gen tengteng lak a malsuah bial apan kahih na toh (as a northeasterner) zahlak kaki sak na mahmah point nih ka hon taklang nuam hi, huai-te tuh:
1. Use of tobacco:
Malsuah bial a state dang omte zo ka sik kual kha vek nai kei na a ahihhang in kei omna district (Churachandpur) ah tuh tobacco (muam/tep theih) chi tuamtuam kizuak khia nikhat lel ah 4 lakhs val in thei ing(hun paisa a survey ki bawl om a huai a aki suah dan in). Hiai kizuak khia te tuh kua dang lei hilou in ei gingtu te mah lei hi veve hi, hiai a kon kup nuam tuh bangdang hilou in bangchidan a manipur a Kristian district hi a theih te lak a khat Churachanpur sahkhua lam in en ding chi leng ''GINGTU'' tamna pen a chiamteh tham a omna mun a hiai bang tobacco chi tuamtuam nikhat a kizuak khia, a sum a sim di chi leng tampi petmah pha hi chi tam tel lomlom ahi dia?? Laisiangthou in ''siangthouna'' agen toh mekmat khom di chi leng lah hithei lou, I taksa ''Pathian temple'' ahi a I utut hiam ahihka I duhduh hiam guang lut theihna thu ka nei na chih leng lah kikalh zel. Huai na ne a nang mikhial thulim lou nahi kong chi kei, tep leh muam khat hun paisa apan na addict ziak hiam in hiai pa/nu jaw misiangthou lou ahi chih le kong chi tuan sam kei. Genteh na khat gen zual leng koi mun hiam ah hoh nang I neih chiang in limlang(mirror) in iki en masa zel ve ua le maw? Huai tuh bangdang ziak hilou in I tung ah bang hoih louh na a om hiam chi hi theih na ding ahi, I hoih louh na hong mukhe sak tu dia panpihtu hoih mahmah chi uau? Huchi mah bang in unau nang le Laisiangthou na mirror or limlang di'n ana jang inla ana ki en mah dih le.... koi mun a bang kita sam hi in naki mu a, na taksa tung a Pathian deihlouh thil na kep/hih na thei a? State dang khong ah gingtu-te tuh a ''GINNA'' ziak un soisak leh thuak gentheih in a om uhi. Ahihhang in, eite tuh Pathian hehpihna dong petmah chuh ihi dia tua dan bel kituak sam vet lou hi. Ahon tawk buai di a om louh hang a lungmuang luat di hituan lou, I melma pa Diabol in a lehlam (indirect) tak a nasem le hithei. Tua in gingtu te tuh muangtak leh bittak in hong koih tuan sam lou in I lak ua thilsia zuak te lah ei mah, alei te lah ei mah. Hiai apan I dinmun uh na bang chi muh uh? Jesu tuni a hong pai di bang hileh kua teng lak touh in I om di ua le? Kua teng in Jesu sisan manphatak a sawp siang leh lei khit sa a om kahi chi ngam di leh mahni taksa huai tuh ei a hi nawn lou Pathian temple kem siangthou taktak di’n iki man ua? Tua kong taklat te tuh mi tengteng a ding in nikhat/hunkhat a kikhek theih thil ahi kei a khenkhat a di bang in a haksa diak ding, awlawl a thil pai di chi ahi. Tua tobacco bawlte’n hih hoih kasak nawn leuleu khat tuh a cover a hiai “Nek/muam/tep tuh damtheih na adia hoih lou ahi” khenkhat te a din tunglam apan warning dan in lak theih ding hi.
2. What CHANGE do you see?
Ana sim kha na om di uam ah, tuma lam in “I gam leh tanchinhoih” chih thupi zang in articles khat kon gelh kha a huai a ka thupi tuh “Amau apan in Tanchinhoih (or Tangthupha) i za ua, tun ah amau Tanchinhoih apoimoh ta uhi” ka chih tuh tangtung taktak le abang sim mai maw...? Theologian khat zet in ''bang ki khekna na mu a'' a hon chi thei zet chuh? India gam sung a Bible College om tengteng ah malsuah bial (North East) mi om louh na om diam chi in enleng khat bek le mu ding in kaki ging kei, tampi kuan khe ta mah leng mite’n ilak ua kikhekna bang mah hon muh het lou uh ahi chih ahon mu sak. Hiai apan tuh I gam uh dengdel gop leh se gop ta ahi chih a chiang mahmah a ahong siat beh lailai zomah ding hi, Laisiangthou apan thudik leh thutak i zir/zak khiak te puangzak thei lou di leh I gam ua halhthakna a tung kik theih na dia nang leh kei tuhun a bang in hong dal hiam? I omna saptuam in maw ahihkaleh khovel thu neih na in?? Tanchinhoih puangzakna tuh thugenmi or missionary te naa kia ahi sam kei hi, michih(gingtute) na ahi. Khat leh khat ki ngaihtuah thak ni maw...
Tua hiai point nih te kahon zak apan tuh ka lungsim a om dedu mai a kaki houlim na uh le ka ngaihsak theih nawn tatak kei hi. Ka khasiat tha bang a suak a, bang chi leh pan kila thei ding hiam chih kia ka lungsim ah hong om thakthak hi. Om muang theih hun ahi nawn kei a I gam in thugenmi ding, Laisiangthou a om ahi bangbang a gen mi ding kita sam gop ta ahi, hiai tuh nelhsiah theih vual ahi kei. Huaiziakin, Toupa kiah ngen ni, hun hong pai tou a I gam ua halhthakna ahon tung theih nawn na ding in. Khelhna lianlua leh a neu lua a om tuan sam kei a, Pathian a di’n chuh thilhoihlou/diktatlouhna tengteng “Khelhna” ahi vek mai hi (1 Johan 5:17).