US 1 Dollar = 63.36 Indian Rupees (as on 14/09/2013/10.45 PM): India gam sunga teeng Zomi Zosuante adia theiha val lou dingin tulaiin India gam economic inflation hat luat jiakin international ah India sum, Rupee hlutna leh manphatna keniam hat mahmah a; tukum 2013 sungin US$ 1 leh Indian Rupee 45 apan 69 tanpha tung zou mawkin kituk ta hi. India sum manphatna kiakniam dan pen ngaih hoihlou lampang hi sim ta a, Indian economy siatdan taklang mahmah ta hi. Hiai thu gelh ahih laiin British pound 1 leh Rs 100, Euro 1 leh Rs 89, US Dollar 1 leh Rs 63 kikim lel hi. Gamdang sum manpha nei tuamte lak ah houh lauhuai khopin Indian Rupee keniam khol diak hi. Etsakna di'n Kuwaiti Dinar 1 leh Rs 240, Bahraini Dinar 1 leh Rs 180 ..!!
Rupee Kiakniam Nasan:
Janhalin Union Finance Minister Chidambaram in hiai thu toh kisai ah mipite ana patau lou dingin ngen a, Government in sep ding teng sem pah ta ding hidanin mipite nem hi. Tuabang kalah, BJP makai Prakash Javadekar in hibanga gam sum-le-pai dinmun hong kiakniam duai duai pen UPA jiak hidana genin, "Niteng nektawm thil man tengin khanglam nawt a, nek-le-tak kiningching awm nawn lou dingin ka gingta. Hiai pen mihing bawltawm siatna UPA ahi" chi hi. Himahleh Indian economists te'n bel govt fiscal policy tam luat jiak leh outgoing merchants/millionares nasat luat manin ngoh uhi.
Tuate lak ah
¤ Food Security bill a taka zat dingin fiscal deficit a suklet beh khak ding nasa taka launa om lel jiakin
¤ US economy hong halh thak jiakin gamsung investor lian taktak te'n India a pawtsan hiaihiai jiak uh
¤ Gampua foreign apat van lalut sekte leh India gam sunga banks te'n tumalam sanga US Dollar a mamoh semsem tak jiak un
¤ World's largest economy, China toh India in fiscal agreement a bawlpih te'n India sanga China lam a heisan jiak uh Nang leh na innkuante toh Rupee keniam in hiai a nuaia bangin gam economy sukha hi:
FUEL MAN SANG DING
Gampua akipana laklut Crude Oil (thautui) man a pung ding
LOAN MAN PUNG DING
Rupee keniam jel ding pen venna in RBI in Banks tengteng kiang ah Loan Rate sangsak dingin thunun ding a, home & car loan rate pung ta ding
GAMDANG ZIN MAN TAM DING
Money exchange rate a kikhaih ding luat manin gamdanga zin man leh hotel tun mante mitkhak jenin tam kisa ding
IMPORT MAN SANG DING
Gampua apat van laklut man hong sang ding a, tua in gamsung ah inflation nasa tak hon tun ngal ding
OVERSEAS EDUCATION MAN TAM DING
Indian siamsin gam pawlama lai sim sawmte adi'n sikul fees leh a nepnawi ah nasa sem in kiseng behlap ngai ding hi.
NNA KENIAM LEH NNA TAAN
Government nuai leh Companies nuai ah sum haksatna jiakin employment hong tawm ding a, a diakin export (thonkhiak) lama kinga deuh IT & Textiles lam te'n sawhkhawk na tak thuak ding uh
SAVING OM THEILOU DING
Thil man hong hah khang luat ding jiakin inflation in na saving buluh ding
MASAWNNA KHAWL TADIH DING
Rupee manphatna keniam gawpin foreign investment ah kiakniamna tun dia, tua in gamsung developmental works/projects khawlsak ding hi.
Huaijiakin, na sum chil inla, ren takin khosak kisin in. Sum manphatna gam ah nna sem dingin kuankhia inla, na lawhte innlam ah khak jel in. India gamsung laili nna zong ken la, rupee sanga manpha jaw gamdang ah sum va lawh in. Inn lam ah khak inla, building leh kongtual kilawm taktakte lamkhia in.