Tulai thukizakna khenkhat ah Talpak-te’n ST Status ngen ahi uh chih khawng peuh a kigelh a, taktak hia? chih zaw ka theikei. Bangteng hileh kihazatna ziak zaw ahi peuhmah maithei di maw? Ngen bang hitale uh, a kipahna ding un MU AHI UH...! chi’n assumption bawlsak zual ni. Thuthang kiza dan in Cabinet thupukna ah leeng ki-nga mahmah ding chih hi zomah lai hi. Innpi a ei Singtang mite’ palaai 20 khawng phet ahi achi ua, Phaizang mite’ a 40 khawng hiding in gen uhi. Bangteng hileh MLA leh Minister muanhuai taktak I neih ziak un lungmuanhuai lopetmah maw!!!

Thuthang dang khat hiai ahi zel hi; PM in Cabinet ah pass phot le uchin chi… Maipur Cabinet ah lah amau majority hi ua, 1st stage zohsa hi maithei. Final pek di kia ahi ta a chi pawl leeng om zel hi. Hotel houlimna khenkhat ah MDC leh MP election a nai simtak ziak a mipi convince/thuzohna ding point khawng hinteh achi pawl om thepthup zel. Nak gintak huaikei thou maw hiai chiah zaw... ST status mu hile uh ei singtang mite bangtan in ahon subuai zou dia? chih hotel houlimna a thuthang mipi vantang theih dia aphattuam khak leh chi in tamlou I luikhe mawk ding (Hiai thu kigelh Formal tak a Information or news or Article dan ahi zenzen kei a, ahithei thilte mipite’ ngaihsut ding a koih khiak ahi zaw).

1. MCS exam hun chiang a ST quota kuaten a tang kha di ua le?
2. TET exam toh kisai khat vei tei Teacher hong kila leh, TET score card holder ST-te’ a ding in schoolpu lut na ding mun a awng lai diam?
3. NERIST a ST quota (Manipur state a) kuate’n a luah di ua?
4. AIEEE a ST quota (Manipur a ding) kuate’n a luah ding ua?
5. Pharmacist zilna ding a ST quota kuate’n a luah ding ua le?
6. MBBS a ST quota kuate’n a luah ding ua le?
7. TISS, JNU, DU, JNV leh University tuamtuam a ST quota a I lut sekna uh omte kuate’n a tang di ua?
8. STATE sung a I quota tuamtuamte kua ten a luah ding ua?
9. National level a Manipur in ST quota a neihte kuate’n a luahta ding ua?
10. Singtang gam ah Innmun hon nei/lei thei maithei ding uhi. Hon lei/nei thei le uh I gam hoihna teng kuate’ khut ah a om dia? En 3lakhs a Innmun I lei zohlouhlai in amau 10lakhs in hon dawp le uh kua’n a iit di’a… sum mah hia maw I deihpen uh? Huaiteng kia hilou in, a structural issue ah land leh population issues hidi’n muammoh huai hi. 90% tribal areas, 10% valley or talpak land, 65 % Talpak population (genaral) & 35 % tribal population (approx) ahi hi. A population uh tam ta incin, agam neih uh hong kochiik hiaihiaita. Tribal land lah leitheilou ahih chiang ua tribal-te’ gam hon enlah mahmah uh hita maithei hi. I gam ahon neihpih theihna ding un, Act or Law tuamtuam pass zel mahle uh unconstitutional tak a tribal land alienation hon bawlkhum theilou ahihna uah, amau a di’a option hoih mahmah ahihleh, amau leng ST hile uh law or act tuamtuam ngailou a, gam utna munmun lei leh neithei hong suak diing uh chihna ahi. Hiaiteng ban ah ST status amuh uh le bel, I identity politics uh leng hong kikhen diing banah, kum 10/20 nungchiang in Naga, Kuki, Zomi chih sang in hiai kei’ gam, ka leikhiak sa chih buai in I buai zomai diing uam?
11. Alehlam daih ah, ATS I chihchih uh mu hile hang, amau leeng ATS nuai a om ding uh suak hi. ATS zar hong zoupih sawm ahi di uam? Talpak-te’n ST status amuh ma un ATS sukfel hihen, India kumpi-te... (Bandh bawllou a KIPHIN).