"Hiai methainu'n sun nisa nuai a haksa tak a kong zing khawng a zum leh zah khual lou a sum muh sun sun hong piak, ka noble peace price ka san sangmah in le a thupi in amanpha ka sa zaw". ~Mother Teresa.
 
Mother Teresa interview na khat a ka lungsim hon khoih den magazine khat ka sim a dam lai ngei a ka chiang kei India Today magazine hiam himai thei hitamah le zong hon share ut khat nei hiveng aw lawmte. Hiai interview na a thu gen ka ngaih tuah tuah khak chiang in kei mah le ki dong in ka mihinpihte itzou lou ka kisa, mihing hinna manphat dan hon phawk sak sak ven tuni tan dong. Hiai thu hong kipat dan ahih le, hi chi'n a gen. "Nitak khat lum di'n ka kisa a, kei hon panpih (sisters) te toh leng mangpha ki khak zou inn kongkhak na hong ki kiu ging ging ka za ua “Mother mother” chih aw ka zaw uhi. Kua leng ahi ta mai diam maw ka ki chi tuah uh. Kei hon panpihte khat in kua hipeuh mah ding hiam kava en ding chi'n kintak in tua kong ki kiuh ging om na lam zuan in a tai thoh phial zaw zen”.
 
Sister leng Mother Teresa' room ah hun sawtlou kal in hong kik pah a, "Mother, methai numei khat in hon mu nuam, hong lut in ka chih le a ut kei, nang mah mah hon mu nuam ahi. Na hong kimuhpih a hoih ding, hehpih huai kasa lua".
 
Mother Teresa, "Kua hiam, ka thei ngei diam? "Nekding hong ngen a hi hiam?" chi'n a dong hi.
Sister, "Mother ka kimuhpih ut, innsung hong lut in chi'n zol mah leng a ut kei".
Mother Teresa, "Koi ka lukhum hon pedih ve le" chi kawm in inn sawng khatna apan kum suk in tua kong ki kiuh na lam a zuan hi. Kong khak bul ah tua methai numei nu'n Mother ding kawm leh pau het lou in ana ngak den hi.
 
Mother Teresa in tua numei a muh phet in (bengali pau in) "Ka sanggamnu aw, hong lut in. Na gil a kial hiam, kon panpih theihna om hiam?" Tua numei in pau het lou in a sari silh kawm apat kuang tui ek phial mah mah apan hon lui khia in, la in chi a lak hi.
 
Mother Teresa in hichi'n a gen zom zel, "Tua steel kuang sung ka en a, sum tang (coin) tam lou ka mit ngei in ka mu hi. Tua numei nu ka en zel a, a hon thiltawi ka et chia'n ka lungsim hon khoih petmah hi. Ka houpihna lah hon dawng lou, saang in ka hon thiltawi tam lou chi hi'n ka thei. Saang leng la tua numei in tuazan nek ding leina ding sum a nei diam chi'n kei leng ka buai mah mah. Saang leng a lungkim ding chih bel ka thei himahleh tua ni a sum muh sun sun kiphal tak a hong piak sawm ka ngaihtuah thak thak chian noble peace prize ka saan sangmah in le thupi leh manpha kasa zaw. Atawp in ka saang khong a, ka kipak chi'n hon pai khiat san ngal hi. Hong kik in ka sanggamnu aw, nektak ka hon bawlsak ding ka chih hang in apai tum veng veng mai"