Iitpetmah in ka it a, kum 4 sung in akhut lelle maingal tak in kalen ngamkei, ka it luatjiak in, angaihdan ahihlouh khak ding kalau a, mimuh phak louhna mun zanmial nuai hilele kakhut aliangtung lel ah leng ka nga ngamkei....!

Mite ngaihdan in mituai, jeilou kahi maithei, kei a ding in ka itpen, kumtawn a hinkhua ka zat pih ding Zi dia neihdia ka itna kapiak in, ka suksiat utziak leh ka kimawlpih lel honsak khak ding kalauh ziak in kum 4 sung ka utna kana kidek teitei...

Huchituk a ka it leh ka zahtaak inle hon it in hon zahtaak hi in kathei a ka lungmuang in kipahna in kadim gige... Laisin naziak muntuam kazot sanlouh theihlouh hun hongtung a... Ka itpen taisan ding bang a ka ki ngaihtuah ziak in ka lin petmah... a chang in laisim lou in nitha kiloh a kivak maibang le katel zaw sek, ka itpen toh muntuam a om ding ka utlouh ziak in niteng a thagimtak a nnasep a ka it toh hunzat khawm ka ut zaw..

Mahnithu a ki omthei a hihlouh ziak in kikhen niding hong tung dek a.. khosung khat a omkhawmkhak tawpni chi in ka va lengla a...hun a paikin pet mah.

Dak 10 bang hon pelta ahihman in lin ngoih2 in "(amin)....kana paiphot dia, muntuam ah om lengle gin omtak in om ni aw" ka chi a aman leng agin om dingdan gen in "kei a ding toh sim nahih lam hon mangnglh het ken aw" hon chi in gate tan hongkha ding in ka kizui khia uhi...

Gate le tungman lou in akidik ging kaza a na kasa mah2... "Kap maw, kap keive" chi in ka khut in kalen a kidek joulou in, "kon phal kei e..." chi in honkawi a kenle katup mawng hi lou in ka kawithuk a pasal zoulou in kabiang ah khitui a hongluang zung2 hi.

Kamai a hong daktou, a mittui khavak in a kap tet te tunitan inle ka mangngilh theikei. Ka hinkhua ading a akhat veina a numeitoh hichituk a ki close a ka kikawi khak patna ahihziak in kachi aling chileng kakhial kei ding. Ka tup le hilou in ittak in a muk ah ka tawp a aman leng hon natawp thuk a mangpha kikhak in kikhelah petmah in kakikhen uhi.

Midang bang a khosak nuamsate innsung a khangkhia ka hihlouh ziak un ka kithuzak na ding uh mobile kanei keituak ua, ken bel laisin a kakuan utlouh ziak a phone non leisak kei uleh kuanlou ding chia kakiphin ziak in kalkhat paita in 1 kanei hi. Huai a alim tamkhop kaneihte ka itpen ka muh khakna ding a hita hi..

A jan in huailimte ka enden phial a zinglam dak 3 agin tan ka hoihtheih mah2 hi. Ut leh ut lou a kuanding in kong kisa a 'tangthu gelh siamten atangthu gelhbang ua ka itpen in hongkha dia hong kuanthei/kuan ngam hi leh ka chi petmah...:-(

Huchia kikhangam dingkhop a nungak tangval piching ki hilou ban ah alangtang a le kingai kichi ngamlou ahih chiang a huchi chuh kinepphak a hikei. Ka pai ua bus sung a kuakua tuang a chih le katheikei. Kalung sim ah ka itpen kia a om, nitak a hon kawi a akah aw ging ka bilkha ah a mangtheikei.

Huchi in ka om namun ding katung khong a kha 3/4 lungleng in ka omden. Ka itpen toh ka kithuzak theihna uh lah PCO ahih keileh a lawmnu mobile a khat veivei ki houkhak lel a hi a, a kham huaihet kei. A manlah hon phone na ding sum neizihzeh lou a hihman in ka kihou vang ua ka kihou louh hun uh a tam zaw a hi mai...

Ahihziak in Pathianni teng in bel a lawmnu toh kimu zel ahih man in ken ka call thei jel a Pathianni ding ka ngak lah thei petmah hi. Kumkim hong pelta a nikhat chuh number theih ngeilouh in hong ki call a ka lak leh ka gintak hetlou in ka Itpen Aw hong ging a.. "U...... ken Mobile neita" hon chi hi. Ka kipak mahmah ua Kua hon leisak a chih ka dot leh a tanau te khat uh leisak ahih dan hon hilh a Koute gel ka utbang ua kihou thei tading ka hihman un World Cup late sang in leeng ka kipahna uh a lian zaw mai ding.

Huchi in phone balance neilou a ka kihou theihlouh chiang un text msg in ka kihou theizel ua lungleen a hon dawn petmah a, ka lungsim in ka Itpen Phone a na leisak tukiang a kipah thu kagen ut hial hi. Huchi hial ding alah keisang a upa zawtham ahih ban ah mi phone ding a leisak ken kipahthu kava gendan omlou ahi zel a.. "Eite gel ikihou theih Pathian in hon deihsak a huaipa zang a phone hon leisak eive" ka kichi zel uhi.

Kumtawp exam zou in khua konzuan ding chuh ka kilawp petmah a ka paikhiak niding zan ka ihmukei chileng ka khialkei ding....Ka kuan a Bus hat kasak mahmah tutung in chu a hatlouh dan gentheih vual ahikei. Ka ngaihtuahna ah sun tun di bang in ka kikoih a..huchi in khua ka hong tung hi.

Katun nitak a lengla pah ngam ding a kimai ngallou ahihziak in nithum nung hiam in ka ITpen kiang a lengla ding in ka vahoh a, "U...hiah hongtu in" chi in a kiang hon na kawk muh hi. Keileng nidang a tukhawm hilhel a kihel ngamlou ka hihman un ut pipi in muntuam deuh kazuan a.. huaitak in " kisathei na chia ka kiang ah hongtu ve" honchi a kei chu kazum deuhdeuh a.. a tawp in ka vatu khong hi..

Huchi in kong houlim ua, nidang a kaki zahtak uh a na banghet kei!!! Nidang a khut kilen dilel le tup petmah ngai tutung in chu midang om in le kakhut bang hon etsak... (Paulam bol a hon letsak) mun mahmah a nuam bang kasa sim a kalung sim ah " na piching sot mahmah eive" ka chilung sim hi. Nuamtak in kahong kithuah thei uchu nop kasa petmah chih kan gendi katheikei.

A hihhang in kalung honkam khat a om dekdek chu nidang a hon zahtak bang a hon zahtak in kathei nawn kei a achang in ka zum tuntun hun a tam lua. Khakhat bang kong kithuah (niteng bel hisam lou in) nung un ken leng mai ngal deuh ta ka hi ding khen chiang in a phone bang ka velsak a, aman le kei a khawng a vel a kou phone tuak a om ding in kou a loutuak phone in lim khawng ka ki latuah zel uhi.

Huchibang a ka om uh nikhat ken a mah phone ka toilai in msg khat hong lut a ki oi lou pi in ka na et sak a a thupi lua hikei mah leh Itna laithon/text msg a hi chih ka haih het kei. Ka lung a nuam kei a himahleh muan mohna ding theilou ka hihman in bangmah ka gen kei. But naa chu kasa..

Muangmoh keimah leng kabil chuh huchilam in a vak mahmah mawk ta. Huchi in hun hong pai a ka lenglat ni chiang in a phone leisak tupa leng hong lengla khageih zel a, a chang in keisang in a paibaih zaw a a paichiang in ka Itpen in gate tan a vakha zel a akhen chiang in hong lut kikpah mahleh a khenchiang in kana chim man hun a om zel.

Nitak khat phone leipa a paibaih zaw a ka itpen in vakha ding in a zuipawt a keileng a phaitam lam ua zuntha ding in ka va pot hi. A gate uh kigal muh a hihman in ka et pheileh....!!!! Ka en ngam kei...... ka chi a ling a lamdang sakna in ka pum dim. Kah ka ut, lah ka kap theikei. Ka heh dan kilang sak hetlou in katu a gen ding kathei het kei. Kipah mel ka pu utlua but a hithei kei. Nidang a zankhovak tu lengle ka ninlouh ding tu in chu ka ning petmah.. kei kia a om ka ut....

"U......bang chi e, nidang na bang kei e" hon chi jel a dawn dingdan ka theikei. Ka na pai phot di chihleh din kathuah a aman tulai ding a honkhou in kakhut ah honlen a nidang hileh pai hetlou ding himahleng huainitak in chu a kiang a om sang a ka inn ua keikia om ka ut zawk ziak in ka tu nawn kei a ka pawt teitei.

Gate tan hongkha a ka kikhen nitak ua dan a khatvei bek kiss din hon ngen a.. "Huai nitak in ka tup leng a hikei a, nang le natup hilou a ikikhiat lah ziak a huchikha ihi... Kon it luat jiak in huchidan dia hon en ngeilou leh hon enlou himhim di ka hi" chi in ka pai san a amah le lungkim het lou a inn a lut chih kathei. But hihkhial ka kisa kei. Kagal muhthu in nitak ihmulou in ka ki text khovak ua.... Huchia a na om khak ziak gen in Ngaihdam hon ngen khovak chih di ahi mai.

Kon ngaidam ding ka chithei kei... kon ngainawn kei kon chithei tuankei... ka haiZoudek a thutan na lathei kahi kei" chin ka dawng a. Nithum ann ka duhna bei in Ka inn kuante kiang ah ka pa neute/ka nite inn a nekhin dan in ka kigen a ngai gige.

Huainung in ngaihdam ngetnathu in honbuak a ka om dingdan kathei kei. Fb tungtawn in khenkhat kiang ah ka om dingdan kadong mai. Ka itpetmah, hichituk a ka it omding in ka gingta kei. Hilele ka itna kia ahun a hidiam chih kathei Zoukei. Nupa hinkhua ana jangsa te dot ka ut petmah.. himahleh huchitan dinghial in ka ngam keijel. Ka lawm hoih khenkhat khawng ka moh sak, ahihjiak in ka mohsakna thu kagen khekei. Ka mohsakna ziak chuh hichibang thu om a bangdia hon hilh lou uh a hia. A lawm uh puaknat ding a khual ziak uh hia.. a lawm uh hon deihsak zohlouh ziak? chi in a guk in kaheh theilua....

Ka ngaihtuah khakpeuh ka hehsan louh a om kei.... Hon itpetmah ahi chih chu kathei. Himahleh ka ki itpetmah na uleh a gate ua ka mit a kamuh leh ka muhlouh na omkha saten kiten nung in hon ngaidam sak zounawn diam chih ahi ka buaina. Huchitel a hon om san Ziak kadong a im hetlou leh kisiamtan hetlou in hon gen a kahpih mailouh kupna di kathei kei.

Ka kihou theihna ding uh phone a lei sak a kipah thu kagen utna pa Tangval piching lengkul in a mah intenson hoihlou suk buchin na ding a a present ahih dan ka kho nung theih ua.. AW.. .kihou lou a gin om tak a om himai le zaw maw.... chih ka kahtam uh a hong hita.

Kum 4 sung ka itna ziak a a khut lel le ka let ngamlouh, ka taksa ut na hatlou leh poih long hilou a ka itna ziak a suksiat ding ngaihtuah a kaneih ngeilouh hichia bang mahlou honna suah saktu chikmah chiang in ka ngaidam theikei ding kaloh theih om kei mahleh..... Ka itluat ziak hia Ka Itpen mohsak na ka neikei. Himahleh ki muantuahna om hetlou a hinkhua zatkhawm ding hithei kasak louh jiak in Ka it luat chikmah chiang a ka mang ngilhlouh ding khitui naptui tampi toh Damsung a ding in MANGPHA kachimai... :( :( :(

But Itna takzaw a bei ngeikei ding a Ka hehpihna leh ka khotuahna chikmah in a mangngei keiding...... Sob3

Hehpih y na cia..:(

Ken a mah kahehpih zaw...How can she spends her entire life with the man she didn't love...she was exploited...!!! Chithouthou di...:)

A Tawpna ding in ITLUAT MANGPHA..........