A Short Story
(True Incident In The Year 2008)

Kum sangnih leh giat (2008) in pawl giat (8) kasim chet hi.  A kum toh le kituak geih hilou maw?? hehehe Huai kum chuh kum bul apat inle a nawp ngal hi. Kum 2008 adia ka skul kai masak ni pen ua kipat a nawp ngal hi. A ziak bel huai kum in hi newcomer a tam mah mah a lawm thak kineih beh pah hi, huai phet louh ei kitangval sak nuam hun lai hi zaw mah ahih chia numei hoih lah huai kum a tam chih tak a hong tam zaw mah lai nuam ei. Skul kai masak ni a pat numei hoih sak deuh te phone no. lak kipan ngal. Ka khonung ngaih tuah thak chiang a huai lai khawng a kimai vun sah tak zaw hi ngei di, ei sang a senior zaw te kiang khawng bang  a a no. uh va kingen teutau theih a hih chia hahaha. Tun hon sawl dek le uh lah koi malak ah lak sa’ng in neih louh I ut zaw kei dia ahih kei le lah I lawm te tung tawn a la sak di. Huai a huchih kei vang lak leh lah neih louh hi top mai. Eh! Va sau gen kha lo dek. Ka topic ah ka hong lut nawn ta mai di. Sa I huan chia le masala I khak uh ahih chia den a I gen teng a masala dan in ana ngai le u teh hehehehe.

Ana gen sek mah bang un a hoih om leh a hoih lou le om chih ana hazel hi. A nawp leh nawp louh na le om a chih dan deuh ua, huai kum ah leng a nawp louh na hon om petmah hi. Huai bel nam chi teng class khat a kitu khawm ahih chiang a kimix vek himah leh Paite toh thadou te hong kihou thei ta lou huai hi mai a buai huai na adang zaw nawp vek chih theih in the. Kei a di’ng bang a chuh huai kum kha mi hoih kasak pen in hon ngaih bawl zaw mah lai a nuam e aw maizen. Hunlui te lak kik theih hi leh huai hun chet kala kik nawn di. Keile ka lawm te kha thadou te bang zou te bang simte, Chin chih te bang ahi. Kou hi ka kilawm hoih thei mah mah mai uhi. Kizui nai nai zel break khawng chiang a numei thoh ahih kei leh room te fang kual kahi gige uhi. Nikhat ka room fang kual na uah naupang chileng ei sac huh neu zaw him him pawl 6 di te khat hoih pet mah in hoih kasa mawk hi. A kiang ah kava pai a nau na min bang e ka chih leh kamin maw veven ahi hon chi ta hi. Keileng kipak lua ka diam ah ka pocket a sweet tang 5 om a vek in ka pia hi. Aman le hon sang pah in kipak hon chi in a pai khia hi.

Hun te hon pai tou zel in kou leng lawm te toh kipawl thei mah mah a ka om lai un nikhat school ah buaina hong piang ta hi. Huai chuh bang hiam I chih leh zunthak na buk a zun tha lai Paite te pasal khat thadou pasal khat in a lawm te di sa in a zun thak lai va subuai hi. Chih tak in huai Paite pa le heh in ana su a Thadou mihai hon hon chi kha hi. Huai a hon chih phet in school a kai thadou teng hong kipun khawm in huai paite pa va vo dek uhi. Huai paite pan inle a lawm te hon sam kual hi. Chih phet in eile Paite I hih na ah va kipai hi. Vaiphei te leng Paite te lam ah hong pang bawl sim ta uhi. Kei lawm tele vaiphei ngen hi sim uh ahih chiang in kei hon hut bawl ta uhi. Huai thadou ten a theih phet un ah ka lawm pa vo ding in hong kuan uhi. Ka lawmpa bel classroom a lai gelh a om bang mah thei lou ahi. Huai phet in thadou te ka room uah hong lut in ka lawmpa lai gelh lai sam khia in a mai hon su uhi. Kenle kava delh pah a ka lawmpa inle EHE RA! Chi kawm in suk toh ana thuah ngal hi. Keile ka tung phet in kenle ka sup ah ngal a, ka lawmte le hon pai in hong pan pih uhi. Huai phet in amau le tawm ahih chiang un pai khe nawn pah uhi. Teacher ten thei man ahih chiang un hong delh uhi. Lou leng bang mah a chi lou dan in kana om hemham uhi. Chih leh teacher te report pia om ahi ngei ding a kou chuh staff room ah sap in ka om tau hi.
Chik mah a staff room lut ngeilou ka hih chiang in ka chi hon ling pah ngal hi. Kei leng pau hetlou a ka lut tak in sir te khat in chiang hon tawi in thu hon dong ta hi. Kenle ka hih theih dan dan in ka lawmpa hut kasawm hi aziak bel aman hi case khat neizou ahih chiang in. Kenle sir te kiang ah amau hon pat masak ahi kachi a kou room a om lai amau hon lut a hon khoih ahi uh ka chi hi. Huai phet in teacher ten leng ami va sam khia aw leh a hon chi uhi. Ka lawmpa toh kava pai ua a a mi te kava sam khia uhi. Kou leng huai zawh in hon paisak uhi. Kou le lungmuang tak a ka pai lai tak un room le tung man lou in hong kisam thak nawn hi. Kava paisuk nawn leuleu uhi. Huai in chuh chiang pum in honna vai ek uhi. Gen di dan om tuan lou ahih chiang a thuak suk mai ngai. Huai ni apat chuh klisual chih te ah kihel ut nawn vet lou kibuai na om sim lele a theilou dan a om mai ngai. Skul polam ahih leh bel kisual veve thou. Skul uniform suah zen khawng ale kisual ni tam veve chih di hin teh. Hichi khawng in kum 2008 ka zang bei mai hi. Hou sim bang na a I om dan I ngaih tuah thak leh kinui nui thei mawk hi veh nou na hichi di uam ah…..????