Adiak in ei Paite te loi hih Thil pat leh Idea thupi tak tak I siam ua hilehle a Implementation tak tak lam ahih chia hih Chau deuh I hi di uam cih bang om zel sek ahi. Apat leh gen siam a zuih tak tak di ahih chia peih tak tak lou.

Adiak in Lamka lak a namdang leh I pau I ki batpih sim sim ten bang achia eiloi hici tuk ahon iplah leh hua ahi di uam? A tangpi in I Unaupih te  Vaiphei,Simte,Zou,Hmar,Gangte etc.. atam zaw ten hon ki pahpihl,hon ngaina tak tak theilou ahi ua.

Ki Paite sak lua hang a Unau ei sang a tawm zaw te hui dan siam lou I hi di uam le ? I hun paisa te enleng Buaina hita heh aw,Zomi nomenclature hita le bang ziak a midang in Ei Paite ki thalop bang a hon ki thalop pih lou ahi uale?

Unau Mizo te mi huisiam dank ha etton tak leh  zuih tak huai petmah mai ahi. A Pau uh siam het lou le dikloupi in Va pau lengle neng chik hon nuihsan hetlou di ahi uh. Ei Paite  te loi diak ah tuh eiloi le eiloi le pau tuam deuh leh kaihdan tuam deuh a pau omkha te KI nuihsan le ki china a zang tel hang a. E,g Bukpi ,Kaihlam, Kangkap,kho Hausa te nasan a kho pau a paulou di ahi uh Lamka Khopi ah.

Zomi Unity adin eiloi  I na dul in I na dul maimah ua, 1992-93 lak in huai lai in I kim leh kiang ate Support le tam tak a om hi. Bang jiak a kum 20 sung a nidang a ei laka pang ten hon taisan ahi di uam ?. Namdang te bang jiak a huisiam lou I hi di uam le?

A ziak pentak tuh I Paite Hih na uh Ki pi ngaih lo zo zen ahi(First and foremost). Hiai in Paite mit a chipihte en kha nak hang a huai jiak tak a muang ngam louh leh Muniam kha nak I hi uh.

Bang chihle I cihpihte toh ki gom khawm theidi I hi diam le?

1. I Chipihte Space piak di:
India a I tenna a Hindu te pildan et a huai I zuih leh zat hunta hi lou hiam. Hindu 80% ten PM Sikh 2% le phalou te 1984 a namkal a ki buaipih te uh  PM leh Army Chief a nei thei. A cihleh ei te le Lamka  Majority ten bang chik chia MLA Election ah Kou Paite ten Thanlon leh Lamka ah MLA ka na nei den ua ,election non chiah Simte Thanlon ah hong ki candidate un kon support di I chi thei di uam ? Lamka Consituency ah Gangte/Hmar/Vaiphei/Zoute mun I awn thei di uam?
Unau Vaiphei te ZRA President leh Secretary din mun I awn ngam di uam ? SSPP President din Hmar te I va chial ngam di uah . A hihke ZYA/YPA makai din Zoute I zang ngam di uam.

2. Kimuan Ngamna leh Kiniam Khiakna:
Khanglui le Hunpaisa sut sut ah phattuam na tak tak di om kei mahle I Paisa te et a I zil hun hita lou hiam ?,Tutan Paite te Heutu in I na nei ua lah midang te toh ki gawm khop thei lou lai lai.

I Chipihte uh nuai ah va ki niam khiak a mau hon makaih din va kipe leng bang a chi dia le ? Tua I dinmun sang ua sezo leh I heutu neihte hon makaih na sang in a sezo di hiam?.Nou hon makaih dan dank on jui di I chi thei di uam? Zomi cih a ut kei uhle amau cihdan dan zuih hun ta hilou hiam ? Kuki/Mizo miteng hon theihna a zuih bang ahia a poiluat na di ? Naga te bang a common nomenclature din ah . Ei Paite ten pan masa leng bang achi di?

Eiloi mah mah  sawt ki vai puak lota I cihpihte ki mangilh kha nak hang a huai jiak a hih ki Uih se jak gop hita ahi. I MLA te uh hita hen aw heutu dang te bangle term 4-5 or kum 20 khong hon let hial chiang ua hih idea thak om tak tak lou ahi. I lak ua ki khek na di om tak tak nadia hih heutu te bang in le Cooling Off Period neih zel a midang tele Chance piak zel didan ahi. ,e,g Thanlon MLA  tua  a thak I neihpen uh.

Ei Paite te Chauh I cih cih ua lah  ei chauh a I Population mah mah le tawm lo tel I hih chia (e,g Chennai a Four Wheeler omzah le kipha nailou)  thil hoih sak nei in gen gen lengle I kim I kiang a I Unau pih te support I muh masiah bang mah tan I tung kei di uh. Paite,Kuki,Hmar,Vaiphei … leh adang dang te le ki gawmleng le tamlua ki hinai lou lai hilehle  ei chauh sang a tuh adan omjo jek di.

AIR Lamka/CCPUR a din I Unaupih te uh toh I na kituh ek ua, tun ei Paite a lead language din a koih ua hilehle  Mibangzah in AIR CCPUR  Paite  ahih jiak a Radio leithak leh Ngai I om ua? Ei Paite pau a kijat jiak in  Phattuampih leh nam hon dopsang na tak tak om  din ka ginta  het kei!
Bang jiak a Vaiphei le Zouten a mau gamnuai mi hon bawl thak ahi ua ?
Bang jiak a Unau Gangte te ten Mizo a zop uh ngai ahia ?

Hun paisa te a pat I jil uh hun hita lou hiam!