SSPP GHQ in Diamond Jubilee Celebration Committee kichi kum 2007 in “Committee” khat phuan a, “Diamond Jubilee Celebration” thupitak in kinei zuazua maimah hi. Jubilee Celebration akineihlai in kumteng a “Flag Day” 2nd week of October ni a zat zel diing chi a SSPP GHQ in thupukna abawl toh kiton in tunitan kizui lai hi. Diamond Jubilee Celebration, 2007 kum in ahihleh “Jubilee Flag Day” akichi a, himahleh ahong paitou zel ah bel “Flag Day” kichi in ‘Jubilee’ kichi kammal pen kilakhia hi.

Nidanglai in pi-le-pute’n vualzou chih etsakna diing in “Thangsuah” kichi ana nei uhi. Hiai pen USA in zong hon engsawn uh ahi kha diing a, amaute’n zong Flag Day nei in, hiai ni in “Flag” zuak in a sum muhte uh tagahte leh panpihngaite panpihna diing leh siamsinna lam a diing in azang uh akichi hi.
Tua mah bang in SSPP GHQ in zong “Flag Day” zat ahihchiang in ‘Flag’ kaihpalhna hun kinei zel hi. “Vualzou” chih etsakna a hiai “Flag Day” tuni a ei siamsin mite’n zong kizang hidan ahi. SSPP GHQ in 2nd week of October ahong tunteng a ‘Flag Day’ zang in “Flag” zuakna neih diing chih ahi. Huchia ‘Flag Day’ a “FLAG” zuak diing, sum muhte pen “Charity funds” dia koihkhol a, tagah-gentheite panpihna diing a zat diing kichi ahi. Huan, SSPP Foundation Trust Fund diing a koih diing, huchia huai sum pen siamsinna toh kisai a panpihngai kholdiak mite kiang a “Loan” a piak diing chih ahi.

“Flag Day Celebration” akineih chiang a SSPP Preamble simkhiak diing, Sin in, Sem in, Zun in chih thupi a nei a, Sinna tungtawn a siamna i ngahte zang a Sepkhiak diing, huchia i sep i bawlte hoihtak a Zun diing chih naktak a tangkoupih diing chihdan ahi. Thathak la a, pan lakthakna Ni a zat diing ahi a, huai baan ah i hihna (identity) puankhiakna Ni ahi chih mipite theihsak diing ahi.

Hiai “Flag Day” ahihleh – ‘A sign of Progress, Peace and Tranquility’ – ahi chihdan ahi lai hi.