SUUNNA
Pu L.T. Ngaihte,
Columnist Zogam.com

Zogam.com Columnist Pu L.T. Ngaihte, retired IFS in a hunloutak a hon beisanna tung ah Zogam.com in pammaih sa in ka suun thu uh ka puang uhi.
A laigelhte in mi tampi navaksak a, i gam a dia laigelhsiam khat a chiamteh ahi. Zogam.com Writers Award 2008 a kisai lai in i gam a laigelhsiam kitelna ah top 5 in pangkha hi.
Pu L.T. Ngaihte in Zogam.com ngaina mahmah a, nungthuap gige hi. Delhi ah a omlai un, Nanakpura a inn uah Zogam.com Anniversary kum nih bang kizang hi. Zan zek a ka sai uh Zogam.com kum 20 chin ni a Tang Au Award 2023 bang le kithalawp mahmah a, Award khat pekhe ding in kana chial uhi. A damtheihlouh paulam a hong telzoulou ding ahih dan ka houlim uh ka kihou nunungna uh ahita mai hi.
Pu L.T. Ngaihte in gam leh nam awlmoh mahmah a, gam khantouhna di vei mahmah khat ahih man in, aman hon mualliamsan i gam a dia supna liantak ahi.
Pu L.T. Ngaihte laigelhte Zogam.com website a muhtheih ding in om gige a, amah om nawn kei lele a laigelhte hing gige di ahi.
Zahna liantak toh Mangpha, pai nuam Pu L.T. Ngaihte!
Zogam.com adminte sik leh tang in,

Ginza Vualzong,
Founder and Chief Admin, Zogam.com
Date: 15 March 2023, Wednesday.