Video Thak: First Breed Zolianu

ilenlainou Media akipan Bangalore Zomi artiste tuamtuam te sak First Breed Zolianu video etnop leh ngaihnop mahmah mipi et theih dingin khah khiat hi ta hi. Hiai video lawhchin na dingin crew member tampi mahmah te ki thuah khawm ua, a pan khawmna te uh gahsuah etlawm mahmah hi.

A video a bul a pan a tawp tan professional mahmah mai a, acting, costume, make up, editing etc te dem di ka thei khol kei hi. Actors te maisuah leh lemchiin dan te etlawm leh a la thu toh ki tuak mahmah kasa.

A la "First Breed Zolianu" bel Minthang Guite phuah ahi a, aman video direction le pe ngal hi. Video editing bel Lallien Manlun, ilenlainou media te bawl hi a, a khutsuak uh maam mahmah hi.

Bangalore Zomi te eimi laka video nehsoh ka sa mahmah ua, i nam leh gam a dia kisaktheihpih huai mahmah uh hi. Video dang le hon bawl beh zelzel uh hen la, a hoih pen i deihsak gige uh.