Mibanglou Numei Sual Hidia Muanmoh Pasal Khat Mat In Om

Zan in Thingkangphai khua ah Police ten numei khat sualluih (rape) a om hidia muanmoh ziak in pasal khat man uhi. Zan zinglam dak 8:30 vel ding in Miss Manglembi (19) a inkong ua omlai Mr L Neitham of Thingkangphai in samkhia in a amau insung a tonpih in sual hidia muanmoh in om hi. Miss Manglembi te mounu Angeli in a naunu uh a omna a theihlouh tak in va zong a, L Neitham inkong ah naupangte toh ana kimawl hi. Amau leng muangmoh in numeinu underpant hoihtak a a etsak tak un muangmoh huai sa in Police ah report ngal ua, Police inleng muanmoh a ompen vaman khia uhi.

Police ten Miss Manglembi leh L Neitham RIMS ah test nei ding in tonpih ngal ua, RIMS a hih ding teng ahih zoh un nitak dak 7 vel in Lamka hong tungkik ua, a numei in a paisak in muanmoh a om pasal pen Police custody ah koih in om hi. Tuni in hiai test result vala ding ua, hiai tungtawn in sualluih ahihleh hihlouh thuchian theih hi ding hi.

L Neitham ahih ahihleh a zi in a sihsan ta 4 nei hi a, a tate a nelai mahmah ziak ua YVA/GHQ in atate lakhia in kem hi.

Miss Manglembi ahihleh pianken a mibanglou hi a, thudotna neih theihlouh a, nui viaivuai lel hin thutut kingah hi.

Zogam.com News Service