Zan nitak dak 10 lakvel in Rengkai leh Khumujamba Meitei Leikai area lak ah Rengkai mipite leh Khumjuamba mipite kal ah buaina om a, security te panlakna ziak in buaina huaiselua piang manlou in khamdaih in om hi.
Thu kizadan in, tangval bangzah hiam in lampi kiang a gari ah la ngaihtak in play ua, huai hun laitak in Khumujamba te moulawm a papi hon paite'n bengseng sa un khou ua, himahleh a ngaihsak louhziak un, tangval nou khat beng uhi. Huchih phet in buaina kipan a, tangval noute'n a gari un Rengkai lam ah Khumujamba te mi bangzah hiam pawsuk in soisa ua, Meitei te inn bangzah hiam leng suksiat sak uhi. Hiai buaina ziak in mi bangzah hiam tuak in liamna tuak ua, gari bangzah hiam leng suksiat in om hi.
Addl SP, CCpur in zu ziak a hiai buaina kipan hin gen a, Lamka a tengte unau khat ihi ua, kizahtak tuah a tenkhop poimoh ahi chi hi.
Mipi hawl zakna ding in security ten blank fire bangzah vei hiam leng kap ua, patau dak bangleng huai area ah khet in omman hi. Hiai buaina toh kisai in Hmar ngeina dan a Khumujamba ten ngaihdam a nget ding HSA makaiten ngiat uhi.

Zogam.com News Service