Electric Pai Hoihlouh Thu Toh Kisai In CT Lian in DC Kiang Ah Memorandum Submit

8/5/14 Tuni in CCpur Dist a electric pai ginatlouh thu toh kisai in CT Lian, Social Activist in Deputy Commissioner, CCpur Dist kiang ah memorandum khat pelut hi.

Hiai memo in a taklatte bel:
1 CCpur Dist ah 25th April akipan 1st May 2014 sung electric siatna omziak in pailou hi. Hiai toh kisai in pailouh ni 6 sungteng Electric fee lalou ding in ngen hi. Huaibel, Rs.13x6 days =78 approximately.
2 New Lamka Sub Station 33/11 KV feeder pen ni 5 paisa akipan tuni dong sia a, hiai pen a kinthei pen a bawl din ngen hi.
3 I theihsa bang un CCpur Dist ah Electric ginatak in pai ngeilou a, government leh a semtu ten leng a hoihna din panla tuanlou uhi. Incharge EE leng a mun a omlou in office leng ginatak in kai ngeilou a, huchi bangmah in a nuai a semte leng om uhi. Hiai toh kisai leng khauhzaw a enkai ding leh, staff te nasep hunsung leng hoihtak a enkai a staff khenkhat a nasepna a gin omlou te kintak a suspend ding inleng ngen hi.
4 Government dan dungzui a Power Load Shedding Schedule pen Local news paperte a suahsak zel ding.
5 Power supply hoihzawkna din Government in Local Civil Society toh pangkhom a public private partnership (PPP) a patkhiat ding ahi.
Huaibel:
Fee collection & maintenance = Civil Society
Infrastructure = Local Government

Hiai atung a model kipia toh kisai revenue 40:60 ratio a kihawm ding hileh hiai in power supply hoihsak zaw dia lamet ahihbanah local mite adia sepna bawlsak leng hiding hi.

Hiai memorandum toh kisai in DC inleng ama hihtheih tan a panla din chiam a, electric load shedding toh kisai leng kha nawn akipan hoihtak a etkai hi ding in gen hi.

Zogam.com News Service.