Gam vak mi nih 26 AR ten kaplum

29 April 2014 ni a gamvak a kuan mi nih 26 Assam Rifle (AR) ten kaplum uhi. Kaplup a om mi nihte min ahihleh Mr. Mangmuanlian (40) s/o (L)Goukholian of Hiangtam Khunou leh Mr. Kamkhanlal (43) s/o (L) Khamzakhup of Belpuan, tu lel a Singngat a khosa hi ua a nih ua gamvak a kizui hi uhi.

Zan a Addl SP makaih in gari thum in Hiangtam Khunou tungtou ua, huai akipan Shaktiman gari zang a thiltunna mun zuan apai uh hin leng thu kiza hi. Hiai thiltunna mun Burma toh gamgi lak hi'n kigen hi. Army te bel ambush a kuan hi ua, thau 3 vei lak ging za leng om uhi. Army ten tuzingkal tan in Hiangtam khomite kiang ah na khote uh mi nih a kim hia chi inleng dong ua, khomi ten ka kho mite uh mi nih gamkuan hongtung nailou om uh ahihdan ahilhtak in maimual tak in paikhia chi uhi. Tutan in misi te luang piakkhiat hi nailou hi. Thuchian kimzaw ngak hilai hi.

Zogam.com News Service