YOUNG LEARNERS' SCHOOL ah MODEL UNITED NATION (MUN) honna om

1/5/2014 Tuni zinglam dak 10 in Lamka a ding a amasapen di'n Young Learners' School Model United Nations kichi honkhiat in om hi. Hiai Model United Nations (MUN) honkhiatna Chief Guest Joseph V Tusing, i/c Group Centre, CRPF, Langjing in nei hi.
Hiai hun Ms Limabenla Jamir, Director NEIMUN in hong uap a, thugenna leh Press Conference leng amah makaihna toh neih in om hi. Ms Limabenla in a thugenna ah Model United Nations in bang tum hiam chihte tomkm tak in taklang hi. Aman a genna ah hiai tungtawn in student te siamna chi tuamtuam sinsak a, amau te tunung a khovel pumpi huap a makai muanhuai sekkhiat ding tup a nei ahihdan leng taklang hi. Hiai kisinsakna/siamsinna tungtawn in speaking, writing, negotiating, diplomacy, current events, topics in international relations leh United Nations agenda te ah a skills uh naktak a develop ding hin gen hi.

Kumteng a Model United Naions conference a neihna te uah student a sang a simte tel gige ua, kum 3 paisa a kipan India leng hiai toh kisai in naktak in khangtou lellel hi. Khovel mun tuamtuam 400 vel ah hiai conference neihna om a, student huai a telte MUN in sponsored uhi. Tulel a UN Gen Secy Ban Ki-Moon ngei leng Model United Nations a kailui ahih dan taklang hi. Hun hong pai di ah hiai tungtawn a khovel buaina leh haksatna tuamtuam te a solutions ding zonkhiat ahih a, United Nations tup le ngim banga a paitheih ding ngim na ahih dan leng taklang hi.

Young Learners' School in MUN a tangkhakna ziak ahihleh a student lui (alumni) khat apan ahihdan leng thutut kingah hi. MUN tungtawn a i gam ah makai muanhuai hong ki sekkhiat ngei ding i lam- en. Hiai program school bangzah hiam inleng uap uhi.

Zogam.com News Service