I gamsung a project lian leh Minam adia leng poimoh ahi chih thei in, Tuivai Hydroelectric Project hun bangtam hiam koihdap a na omta pen Pu Vungzagin Valte, MLA 56-Thanlon A/C panlakna toh pholhsuah thak in om hi. Hiai pen Manipur Cabinet in leng tu Finnancial Year sunga bawlpat ding in thupukta ua, Public Notice leng suah khiat in omta hi.

Hiai Tuivai HE project khah 51 MW, capacity ding a hia, Tuivai lui, Thanlon Sub-division, Churachandpur district a bawl ding ahi. Hiai project in Khua/village a suksiat khak ding omlou a, Dialkhai, Mualnuam, Kaihlam leh Mongon gam lianlou tuumkha lel ding hi. Hiai banga hydro power hongpian theihleh, commercial farming leh industry lam nasepna hong baihlam tuan mahmah ding a lamet ahi.

Hiai toh kisai in, electricity depertnment, Government of Manipur in 24th August 2012 in hiai a nuai a bangin notice suah khia hi. No.1/82(HPCY)/SE-HIG/ED-2012, Chief Engineer (Power), Electricity Depertnment, Government of Manipur on behalf of the Governor of Manipur invites Expression of Interest (EoI) for implementation of the under mentioned six hydroelectric Projects in the state from the intending CPSUs, PSU or Private Developers either on Build, Own, Operate and Transfere (BOOT) or Joint Venture mode.