Lamka 25/12/2020 |  Tuzingkal hun in, Covid-19 Relief & Monitoring Committe(CRMC), Dorcas Veng in Destitute Home vehna leh Christmas gift piakna poimohtak hunbi thum zatna nei uhi.

 Hiai hun a CRMC, Dorcas Veng a heutu akihel thei teng in, 'on the spot' Helmet Donation amau sung apan nei ua, heutute apan kiphal bangbang a dengkhawmte uh ₹3750/- seh 3 a khen in(₹1250/- each) Home 3 te apiak ban'uah Anntang bag 3(50 kgs.per  bag) chiat piakna nei uhi.

 Hun masa zatna Happiness Home, Pangzawl mun ah G.Kamsanglian, Secretary, CRMC Dorcas Veng(DV) in makaihna nei a, T.Chinkhanthang, Chairman, CRMC DV in anntang bag 3 leh sumte(₹1250/-) piakkhiakna nei hi. Happiness Home naupangte apan, Special item/Bible changvom genna leh lungkhoihtak Group song(God Will Make a Way) laa' sakna om in, Happiness Home Father apan thugenna om ban'ah, Upa T.Pauchinzam, Secretary, YPA Dorcas Veng in naupangte leh Home enkaitute ading in thumna nei hi.

 Hun nihna zatna Hebron Children Home, Pangzawl mun ah G.Kamsiam, EM, CRMC Dorcas Veng in makaih in, L.Paupi Ngaihte, Vice Chairman, CRMC, Dorcas Veng in hasotna thu saulou genna leh Christmas thilpiak(3 Rice bag + cash) piakna nei hi. Home enkaitute apan thugenna saulou om in, Upa T.Pauchinzam, Secy.YPA DV in thumna nei hi.

 Hun 3na(thumna) zatna Destitute Children Home, Thingkangphai ah G.Kamsanglian, Secy.CRMC, DV in makaih in, K.Khamzading, President, YPA Dorcas Veng in Christmas thilpiak(3 Rice bag + cash) piakna nei in, Upa T.Pauchinzam, Secy.YPA DV in naupangte ading in thuumsakna nei hi.