ROPIANG FOUNDATION IN SKILL TRAINING DING RECRUITMENT BAWLSAWM

Tunai a kiphutkhia Ropiang Foundation in, ICICI Foundation toh kizom in, genthei-liangvai, tagah leh school kaikim zoulou te panpihna diing in, Jaipur khua ah electric leh motor thilte repair diingdaan sinsakna ah mi 10-15 kikal sawldiing uhi. Ropiang Foundation apat kizadaan in, ei singtangmite mi 10-15 te Jaipur ah sawl in omdiing ua, ICICI Academy Jaipur ah sinsak in omdiing uhi. Selected a omte, Jaipur a omman, zilman, nek-leh-dawn diing teng athawn (free) ahihdiing banah, course zoute akuan leh apaiman uh sleeper class train ticket reiumburse hidiing hi. Kha 3 sung course hi a, lohchingtak a zoute adia private company Delhi, Bangalore, Kolkatta, Guwahati leh adangdang te ah akaam diing uh (placement) zonsak hi ngaldiing hi.

Ropiang Foundation in agen zomzel na uah, hiai a ziltu hihtheih nadiing in chitna diingte hichibang ahi:
1. Pawl X ana zilkha leh Pawl XII ana zouta te;
2. Asungkuan kumkhat income uh Rs 2.5 lakh nuai ahihdiing; leh
3. Applicant pa kum 18 apat 30 kikaal ahihdiing;
4. Criminal case neimi ahihlouh diing;
5. Zudawn, khamtheih chihte bangmah hihlou; chihleh
6. Churchandpur district mi leh tribal ahihdiing, chihleeng ahinawn.
Banah, tel a omte peen ICICI Academy Rules & Regulations te nuai a zildiing chih declaration aneih uh ngaidia, rules botse te daantoh kituak a tawpsak theih hidiing hi (bangbang ziak hiam a course zou loute bel reimburse sak hiloudiing).

Application form te Ropiang Foundation Headquarter, 226-Mission Road ah tarik 19th January dak 5 pm tan in submit theihdiing a, application form leeng tuapan in muhtheih ngaldiing hi. Application submit chia poimoh diing document te:
1. Application Form fill up;
2. Income Certificate;
3. Education Certificate (zoh tantan);
4. Tribe Certificate;
5. Domicile Certificate;
6. 2 Passport photos; chihte ahi.

Email (This email address is being protected from spambots. You need JavaScript enabled to view it.) tungtawn inleeng submission bawltheih hi. Tarik 20 January zinglam dak 10 apat in personality interview huai HQ munmah ah omdiing a, chitna neite apat Ropiang Foundation mah in mi 15 te selection bawldiing hi. Tarik 22 ni in selected mi 15 te min taakkhiat hidiing hi.

Akimzaw athei utten dotna te This email address is being protected from spambots. You need JavaScript enabled to view it. tungtawn ah kantheih ngaldiing a, anuai ate leeng contact theihdiing hi:
: Lalgoumang Guite, Secretary, Ropiang Foundation (08837286507)
: Zammuanlal Guite, Ass. Secretary, Ropiang Foundation (08794025196)