MARIAN STREET BAWLHOIH HI DING

Bethel Veng leh D.Phailian kikawm-tuahna MARIAN STREET lampi kibawl dek khongkhongta hi. Hiai lampi tuh January 2010 kum in black topping in ana kibawl ngeita a himahleh sawt daih hetlou in sepah a, vuahzuk chiang in mihing leh hawktui lampi kituh in hawktui vualzou sek a, mipite a di'n nawngkai mahmah hi.

2016 April khabul apan Special Contractor P. Tongthang Zou tungtawn in NABARD in bawl dek a tulel in lam gei ah suangsek liante sunna pailel hi. Hiai bang a NABARD in lampi poimohtak a bawlhoih dekpen a veng mite leh huai lampi tawn gigete kipak mahmah ua sawtdeuh daihta dia Contractorpu in a hon bawl deih huai a sak thu uh thutut kingah hi.