Pu CT LIAN, MDC In Lampi Bawlna Nei

Tuni tarik 4th July 2015 in Pu CT Lian, MDC New Lamka West in  amah bialsung a lampi siatnate mipi toh pangkhom in bawlhoihna nei hi. Tuni a Pu CT Lian Guite, MDC, New Lamka West malakna a lampi bawlna ahihleh Dorcas Road lutna bul Bungmual akipan bawl kipan in CYA Road, Gouchingkhup veng tan ah bawl in om hi. Hiai lampi bawlna ahihleh, panpihtu tuamtuamte akipan bawltheih a a om hidan a akigen banah, phatuamngai tamtak a kipan inleng panpihna sum leh nekding tanpha nasep hunsung a om hi dan inleng thutut kingah hi. Phatuamngai mipi tamtakte hiai khotang nasepna a akihel ban uah, New Lamka West sungkia akipan lou in, huhtu mundang akipan inleng hunkhop om uhi.

Tuni nasepna zinglam dak 9:00 in kipan a, Saktiman 1, Tipper truck 4 leh JCB 1 toh nasep pan ua, mipi'n suanghum kisungte lampi kisiatnate ah a hoihthei tawp dia kaikhom in bawlhoihna nei ua, nitaklam dak 5:00 tan nasem uhi.

Hiai bang a i gam-le-khotang hoihna dinga Government akipan panpihna om hetlou a nasem thei MDC thak Pu CT Lian Guite neihkhak hampha kisa in leh kikhekna thupitak omta hi a atheih ziak un a bial mipite kipak mahmah uhi.

Maban ah natak a gam-le-nam hon puahtouh zel ding Zogam.com in i deihsak mahmah hi.

MORE PICTURES: https://www.facebook.com/media/set/?set=a.402560379940537.1073741837.393193794210529&type=3