Manipur kisaktheihpih Siroy Lily Nagaland a le om.

Tuni Telegraph thusuah "Nagaland Book claims Manipur Bloom" dung zui in Nagaland te Class IX leh X te textbook ah Siroy Lily (Lilium Shirohi) Nagaland taang "Shiroy Mountain" ah muh ahih dan ki gelh hi.
Hiai thu zan July 1, 2015 ni in Manipur Assembly ah genkhawmna om a, Manipur Chief Minister Okram Ibobi Singh in hiai thu suizui dingin Uhkhrul a department tuamtuam - Revenue, Education leh Horticulture department te sawl pah hi.

Hiai pak Siroy Lily ahih leh Manipur kia a kimu dan a theih ahi a, tua ziak mah in Manipur in State flower dingin 1989 a kipan nei hi. Siroy Lily ahih leh Ukhrul district a muh hi a, 1946 kum a botanist Frank Ward leh a zi Jean Macklin in a muhkhiak uh ahi. Kum teng in May leh June kha kikal in mun tuamtuam a om tourist ten Siroy Lily en dingin hong hawh zel uh hi.

Hiai thu toh kisai in meitei te patau sak mahmah a, Naga ten Manipur state integrity suksiatna di ngaihtuahna ziak hi dia gen pawl zong om uh hi. Naga toh Meitei kikal tension behlaptu a hong hih khak mel theihlouh hi.