12 Champions Meet 2015 hon khiak in om

Lamka 13th April 2015: 22nd batch JNV CCpur te sai 12 Champions Meet 2015 tuni sunnung in Lamka Mawltual ah hon khiak in om hi. Hiai tournament ah team 10 sawm ki hel ua, 20th April 2015 tan sai hi ding hi. Pu Paulianding Naulak in keynote address gen a, tournament tup leh ngim te zong gen hi. Hiai program a Chief Guest in Pu Thangkhosuanmung Guite, Chief of Hiangtam Lamka pang a, Functional President in Pu CT Lian Guite, Social Activist pang hi. Chief Guest Pu Thangkhosuanmung in a gen na ah student hih lai a Pathian poimoh masa pen a sak dan gen in, a nihna a mahni ki thunnunna poimoh a hih dan gen hi. Pu CT Lian in a genna ah football thai dan ki siam mahmah a, himahleh strategy lam i neih hoihlouh dan gen a, captain nei hang a ground a la thulak tuan lou chi in gen hi. Tua banah strategy i neih sunsun te uh kimawl non zoh ding uh, nak tak a nong pang ding uh chih khong ahih dan zong gen hi.

Opening match ah VK Tawna High leh Rayburn High ten ki mawlna nei uh hi.