FPL: DOSTI 04 LEH INFORM BJP KI SUTUAH DING
Frontier Premier League ( FPL ) 2014-15 season pailel in match tawplam naih hiaihiai ta a, huai toh kizui in team leh a player te' uh hahpan leh hoih semsem uhi. League table tunglam a om Dosti 04 leh ZuunLouh ParMawi te' title la di'a dinmun hoihpen neite hiphot ua, dinmun hoihtak a neih uh khahsuah ut zawsam omlou in hahpan petmah uhi.
League matchday nga (5) na kiginni tarik 7 , March 2015 ni a neih in ana om hi. Match masa ah league table tunglam a omtuak Dosti 04 leh ZuunLouh ParMawi te kibei ua, 2:2 in kidraw uhi.Match nihna ah league table nuailam a om Da Panther United leh Bahut Jyada Pyar te ngeileng ki sutuah in 2:2 mah in kidraw ua, BJP in a nuainungpen ahihna apan suahtakna ngahzou nailou suak uhi.
Matchday 5 bel team te'n hiai league a a lam-et leh ngahtumte' uh kichetna hiding a gen a a omlai in result te draw ngen in bei maimah a, league table ah dinmun kikhektuah omlou tadih hi.
Ahongtung ding kiginni March tarik 14, 2015 ni nitaklam dak 2:30 in DDA Ground, Vasant Kunj, New Delhi ah matchday 6 na neih hinawn ding a, hiai hun ah Dosti 04 leh form hoihtou hiaihiai Bahut Jyada Pyar (BJP) te kisutuah ding uhi. Hiai match BJP in suahtakna puaktu di'n ahon zang ding uam? Dosti 04 a di'n a dinmun uh sukkipna ahong hi diam? chih mi tamtak te bildawh ahi hi.
Match dang ah ZuunLouh ParMawi leh Da Panther United te kisutuah ding ua, league table a nihna luah ZuunLouh ParMawi in league table a khatna luah leh points a kikimpih Dosti 04 toh goal difference a neih uh sukniam a sawm na uah Da Panther United a daltu in hongpang maimah diam?
League table tunglam a om Dosti 04 leh ZuunLouh ParMawi te' dinmun hoihtak nei a a omlai un table nuailam a om Da Panther United leh Bahut Jyada Pyar ( BJP ) te'n panmun hoihtak ana khawh in league table ahon hei lumlet maimah ding uam chih team kihel te form et in ngaihtuahtham ching mahmah suak hi.
facebook group: https://www.facebook.com/groups/696688453742260
facebook page: https://www.facebook.com/pages/Frontier-Premier-League-FPL
