ZOMI IDOL INDIA 2015 GRAND FINALE
ZAA-te saina a neih a om, Zomi Idol India 2015 a tawp tungding hita a, zingchiang 14th Feb, 2:30 pm in YPA Hall, Hiangtam Lamka ah Grand Finale neih hi ding hi. Hiai hun ah Chief Guest in Pu Ginsuanhau, MLA 60/Singngat pang ding a, Guest of Honour leh Functional President in Pu Langkhanpau, Chairman ADCC leh Pu Demmang Haokip, Vice Chairman ADCC pang ding uhi.
Hiai Final round ah Top 3 tan telkhe ding ua, Top 2 tegel ahihleh India Zomite ai-oh in US ah Global Zomi Idol contest ah June-July kha lak vel in vatel ding uhi. Hiai Zomi Idol India 2015 kidemna a siam tungtuan a telkhiat ten a nuai a bang hamphatna ngah ding uhi.
1. Top 3 ten All india radio, Ccpur ah Approved artists hihna mu ding ua, laa saktheihna contract Lifetime a mu ding uhi. Hiai contract pen Programme Executive, All India Radio, Churachandpur Pu Mr. Chinkhanlian Guite hon saisak ahi.
2. Video music thum, top 3-te uptown media ten sponsor ding ua, Audio pen Dr.Liangoumuan in sponsor sak ding hi.
3. Top 3-te The Lamka Chronicle leh Huihchim magazine-te ah cover page in tuang in sponsor sak hi ding uh.
4. Shinlung house of Design, Rengkai road inle top 2-te dress special in sponsor ding uhi.
5. Saulim restaurant leh pasikhawm Hotel ten special dinner top 3 te sponsor ding uhi.
6. Lamka photgraphic service tenle top 5 tan Free special photoshoot bolsak ding uhi.
7. Omega Laboratory tenle top 2 tegel USA apaima uh free health check-up leh test neihsak ding uhi.
8. Zogam Artists Association (ZAA) inle TOP 10 teng Full VDO Album khat sponsor/bolsak ding uhi.
9. CREAtiVE Photoshop, New Lamka , Mr siamkhanthang inle Memento tengteng hon sponsor ban ah top 3 te lim le athawn in honsop sak lai ding hi.
10. ALPHA TAILORS, New Lamka, zion veng inle Top 10 te dress leh akhui FREE in hn sponsor lai uhi.
11. IKON SALON, Synod supermarket tenle top 10 te make up ban ah , top 5 te special fotoshoot chianga Free in hon cheisak ding uhi
Hiai program a kihel chiat ding in Organizer ten mi kuapeuh chialna bawl hi.
Zogam.com News Service
