Gen. Tunkhopum Baite' luang Mizoram apan tohkhiat leh 25th June 2014 ni a Panglian khua a vuikhit ahihtoh kiton in Ex-CLA Society, Lamka, in amah Statue Lamka mun laizang tak ah tungkhe ding in kisa lel uhi.

Gen. T. Baite' Statue ahihleh Kolkata ah bawlsak hi a, zousiangta uhi. Ex-CLA Society Chairman Pu K. Paukhohau in agenna ah, khangsawn ten makai hangsan i phawk gige na ding uleh, amah sulnung phawkthak a om zeltheihna ding in Statue kitung khe ding hi'n gen hi.