Lamka 28th Jan 2015, nitaklam dak 1pm in Lamka Mawltual ah Zomi Namni -cum- Mithun Festival Open Football Tournament hon khiakna neih in om hi. Hiai tournament honkhiakna Singngat MLA Pu Ginsuanhau in nei a, Demmang Haokip, Vice Chairman, ADCC leh CCpur DC Pu Lunminthang Haokip te functional president leh guest of honor in pang tuak uhi. Hiai tournament ah team 17 ki mawl ding ua, opening match ah Zomi FC leh United Khozim Brothers te ki mawl uhi. Zomi FC in United Khozim Brothers te 5-0 in zou uhi.

Incentives & Prizes:
a) Champion : Rs. 1,00,000/- + One Mithun (Sial)
b) Runner-Up : Rs. 50,000/- + One Mithun (Sial)
c) Loser of Semi finalist: Rs. 20,000/- each
d) Top Scorer, Safe Hand & Man of the Tournament: Rs. 3,000/- each
e) Hero of the Match from Quarter Final match: Rs. 1,000/- each

Huchi bang mah in zanhal 27th Jan 2015 nitaklam dak 3.30 akipan Dorcas Hall Auditorium, New Lamka ah Modern & Folk Song Compose Audition Competition saina ana om a, Modern Song ah lasiam 17 in ‘Zomi Namni’ chih la a phuahte uh sa in, Folk Song (Zangta Laa & Sannem Laa) ah mi 6 in ‘Zomi Nam Ni’ pansan a la a phuahte uh sa uhi. Hiai hun Demmang Haokip, Vice Chairman, ADC/CCpur in hong a, M. Gouzamang Guite, EM/ADC in Keynote Address gen in, Elder Langkhanpau, Chairman, ADC/Ccpur in competition a telte adi’n thumsak a, Zamkhanpau Simte, MDC (Thanlon) in hunkhakna thumna nei hi.