ZOMI IDOL INDIA 2015 1st AUDITION NEIH IN OM

26/01/2015: Organizing Committee, Zomi Idol India 2015 vaisaina nuai ah tuni sunma dak 11:30 in Dorcas Hall Auditorium, New Lamka ah Zomi Idol India 2015 1st Audition neih in om hi. Hiai hun ah contestants 56 lak ah mi 52 kihel thei uhi.

Hiai 1st audition hun ah Pu Dr Liangoumuan in program makaih a, Judges Pu LL Muana, Pu V Siampu, Pu Stephen Mang leh Pi Mimi Khaute-te etkhiatna nuai ah contestant ten soundtrack tellou a siamtak in lasak kidemna nei uhi.

Tuni a Zomi Idol India 2015 kidemna a tel mi 56 lak ah mi 30 paisuak uhi. Hiai a telkhiat mi 30 ten 31st Jan 2015 chiang in Zogal Hall ah audition nei nawn ding ua, siam tungtuan mi 20 telkhiat hi nawn ding hi. Maban ah Zomi Idol India ah a siam tungtuan mi 2 telkhiat in om dia, amauten India Zomite ai-oh in United States of America ah Global Zomi Idol contest ah va tel ding uhi.

Hiai Global Zomi Idol a siampen hihna ngahte anuai a bang kipahman piak hiding uhi:

1st 5000 Dollar + Citation +Trophy
2nd Prize - 3000 Dollar +Trophy + Citation
3rd. Prize - 2000 Dollar + Trophy + Citation

Zogam.com News Service