Delhi ah EIMI HEROES FOOTBALL CLUB(EHFC) ki phut khia.

India khopi Delhi ah eimi tamkuam tak i khosa ta ua, nasep tuamtuam sem leh zilna tuamtuam nei in i om ta uhi. Khangthak te laka talent nei tamtak a muh chiangin Pu V. Nangthanlian in Delhi a Football Club khat bawl khiak hoih hon sa hi. Ei North East mi te laka football peksiam tamtak te, training leh guidance hoihtak piak a saupi i tuntheih ding uh muchian a, tua toh kiton in Eimi Heroes Football Club (EHFC) chih hon pan khia hi. Kum 10 vel paisa a kipan Club hoihtak khat bawl khiak ana lunggulh gige pen tutung in hon bawl khe thei hi.

Pu Nangthanlian ahih leh tu lel in Gulabi Bagh, New Delhi ah a zi le tate toh khosa ua, Manipur ah Singngat khosuak ana hi uhi. CRPF a pan lai in CRPF XI team ah ana kimawl gige a, All India Police Tournament ah leng ana ki mawl sek hi. Tu in Delhi government nuai a sem lel a, Delhi ah SSPP FC coach in kum 3 bang ana pang ta hi.

Hiai Eimi Heroes FC in maban a Delhi League (DSA B-Division) ah kimawl sawm ua, huchi lou Delhi leh a-kiim vel a tournament tuamtuam te a zong ki hel sawm uhi. Football pek siam Eimi Heroes FC a lunglutna nei ten, a nuai a phone number te a contact theih ding hi.

Contacts: 9717959827, 9873711761, 9868551338.

Facebook Page: https://www.facebook.com/ehfcdelhi