Mualdawn khuak neu tuan lou - Sang Valte in Designing tawh kisai Paris ah thugenna nei ding.

Hongtung ding May 14 chiangin Paris khopi ah Pu Sang Valte in web designing tawh kisai topic User Centered Design (UCD) chih pansan in thugenna nei ding hi. Zomi te khat in international level ah thugenna nei ding chih thutut a ki muh in kipahna lian pi leh kisaktheihna lianpi ki nei hi.

Sang Valte ahih leh lasasiam leh laphuak siam Pu V. Paukhansiam tapa nihna hi a, amah Japan a a zi toh khosa lel hi. Tu lel in Pu Sang Valte Rakuten Inc kichi Japan company a na sem lel hi. Rakuten Inc i chih Japan a dia e-commerce lian pen hi a, khovel a web service minthang tuamtuam Viber, Kobo, LinkShare, Viki etc te Rakuten te etkolh na nuai a om ahi.

I Zomi pih Sang Valte in khovel pumpi theihpih EU/Americas Regional Camp a User Centered Design (UCD) chih topic gen thei dia a om man in Zogam.com in kipahpih huai sa in hong ki taklang ahi.