Tuni December 27, 2013 in YPA GHQ Hall, Hiangtam Lamka ah ZOLMA 2013 (Zogamonline Music Award 2013) hawmna lohchingtak a zoh hita hi.
Zinglam dak 11:00 vel in program pat in om hi. Comperes in Mr. Hauginlian leh Miss Nunhoih Hangzo te pang ua, thazohtak leh nuamtak in program hon makaih uhi. Recording secy. In Wayne Pong leh Son Khuptong te pang uhi.
Program patna ding in Pastor Dr. Thangminlun Mangte in thumna nei in program pat hi a, tuazoh in Mr. Jammang Guite akipan Welcome Address leh Admin ZOL sik in Mr. Lianno Tombing akipan thugen tom ngaihkhiak in om hi.
Chief Guest in Pu Langkhanpau Guite, Chairman ADC/CCP, Chief Host Thangkhosuanmung ding himahleh lemtanlouhna khenkhat ziak in amah hoh theilou hi. Functional President Khaikhopau Ngaihte, BO, SDC/HQ pang in amauten thugenna saulou lou nei tuak uhi. Amaute banah, Pu Thuama, President ZAA inleng thugenna nei hi. Aman a genna ah hichi bang programme hon bawl khe te tung ah kipahthu gen a, a lawmte ding sak in greetings bawl uhi. Zomi nam sung a album ki bawl himhim te record kep di chih thupuk ahihdan gen a, album bawl peuhmah in submit din ngen hi. Music lam a nasepna kek let a ut thu gen in, ZogamOnline leh media tuamtuam te toh pankhom a ut dan gen hi. ZogamOnline damsawt hen chi in a hun zou hi.
Program zatsung in a vangkim in TMI, Happiness Home, leh lasiam tuamtuam te akipan lasakna om hi.
Tutung ZOLMA 2013 a Award hawmkhiakte leh award latute hiaibang ahi:
BEST VOCALIST MALE
Muanlal Tunglut
BEST VOCALIST FEMALE
Kim Joycee Vaiphei
BEST MUSIC VIDEO
Kenedy Vaiphei
MOST PROMISING ARTISTE
Elson Samte
BEST GUITARIST
Siam T Paite
BEST BASSIST
Siam (Soul Society)
BEST DRUMMER
Steve Kid
BEST MUSIC BAND
RAV
VETERAN SINGER
Liani Parte
Best Female Singer Award latu Kim Joycee Vaiphei, amah zom in Most Promising Artist award latu Elson Samte akipan leh Best Male Singer award la tu Muanlal Tunglut te akipan la sakna om in, tuzohin Mr. Mungmung Tonsing in Vote of Thanks gen in Pu Vungzamuan Valte in thumna nei in program zoh in om hi.