Hong tung ding Siamsin Conference 2013 New Delhi a neihna ding ah Paite Nampuan site Paite.org in Best Nampuan Dress Contest a saina ding toh kisai in meeting R K P uram New Delhi ah tuni December 1, 2013 Sunday dak 6:30 PM in nei uhi. Hiai hun ah kisakkholhna paitou zel toh kisai kikup khawmna nei uhi. Siamsin Conference zang hong kuan nampuan a kichei nalh penpen numei 5 leh pasal 5 video leh still camera zang in Paite.org in telkhia ding hi. Hiai telkhiak a omte lak ah nalhpen conference a telte leh India gamsung mun khempeuh apan NATIONAL SMS VOTING tungtawn in teelna neih hiding hi. Conference a hoh kha te ding in etheih ding in Projector ah kapkhiat hiding a, himahleh mundang a omte ding in media parter Zogam.com leh Zogamonline.com ah top 5 limlak kitak khe ding hi. Huaiziak in Delhi pawlam a omten Zogam.com leh Zogamonline.com site ah December 7 2013 nitaklam in ana en a, SMS tungtawn a vote din ana kisa chiat ding in Paite .org vaisaiten ngetna bawl uhi. Mobile khat peuh zang in baihlam tak a vote piak theih ding hi. A vote ding dan bukim leng hiai site te ah hong kitaklang ding hi.

Paite.org bel photography, Fashion designing leh graphic engineering lam a siamna tuamtuam neite Paite Nampuan tawisang lungtup nei a kipawlkhawmna ahi. Hun paisa in Delhi Paite Inndongta vaisaina in North EAST Colors neihna hun ah leng naktak in ana pang a, nikum SSPP Conference Delhi ah zong Red Carpet PhotoShoot lohching tak in ana sai uhi. Nampuan tawisanna ding in lam chi tuamtuam panlakna neitou zel uhi.