Fest Coolriff chih minvuah in YPA Hall, Hianigtam Lamka ah November 1, 2013 sunnung dak 1:30 apan dak 5:00 tan concert thupi tak neih in om hi. Hiai hun ah “When the mode of the music changes, the walls of the city shake” – Plato cih theme a zang in, Lamka leh Imphal akipan band tuam tuam 10 in perform uh hi. Organiser te ahih leh Siam T. Paite, Maciz leh Kustu te ahi, Siam T. Paite in a genna ah hiai pen Lamka a Music lam lunglut leh band tuamtuam omte platform piakna leh stage taktak a experience aneih ua hucia amau adia maban saupi tun theih na dua ki organise hi in gen.

Organiser te'n a genbeh na uah hiai hong piang thei na sum leh thil tuam tuam a hong sponsor leh support tu Pu Langkhanpau Guite, Chairman, ADCC; Pu Mangchinkhup, EM/ADCC leh Hornbill Cable Network-te tung ah kipak mahmah uh ahihdan hiai i PhualvaTimes.com tung ton in gen uhi.

Hiai hun ah band ten siam tak in, Rock genre tuamtuam perform ua, band te ban ah Siam T. Paite in leng guiter solo show na nei. Tuni a perform te naupang thei mahmah ua, A.T.V. band te drummer pa ngial houh kum 13 hipan lel in siam mahmah mawk hi. Mipi tamtak in hiai hun uap in, hun nuap tak leh bil tai tak in buai na om het lou in ki khen uhi.

A thupi na mahmah te lak a khat bel Numei vuak Music Band bangle muh theih in om uhi.

Hiai concert a perform Band tuamtuamte:
1)Carpedym
2)Erose
3)Purple Math
4)A.T.V.
5)Dying Breed
6)Demo Crazy
7)RAV
8)III Reich
9)Reunion
10)Late Revival

Written & Photo by Jo Tonxing/PhualvaTimes