YPA Joint Headquarters, Delhi in March 2, 2013 in Mizoram House ah “YPA diamond Jubilee (1953-2013) celebration-cum-conference” kinei hi. Hiai hun in, kivaipuakna fel leh lemchang zaw diing gelna in, YPA-Delhi, Unit thum (North, South & West Delhi) in kikhen hi. Huai banah, Jubilee lopna phatuam sem ding gelna in singnou suanna (Plantation)  YPA General Headquarters in nei leh, chi’n ngetna leng kibawl hi.

YPA Jt. Hqs, Delhi in March 6, 2013 a Executive meeting a thupukna dungzui in leh, Diamond Jubilee lopna sutzopna in, Delhi mun a i poimoh mahmah uh  nopni/dahni a pankhawmdan hoihzaw leh manpha zaw hong pian theihna ding ngimna in, August 15, 2013 chiang in SSS-1, Committee Room, JNU Campus ah “Disaster preparedness & streamlining helps and support in distress situation” chih thupi a zang in workshop neih kisawm hi.

Hiai hun in “Initiatives taken by the Delhi Police for the safety of NE folks” leh “Disaster Preparedness”  chih thupite zang in, Delhi police leh disaster lam a expert EHA te’n workshop hon makaih diing uhi. Huai banah,  Panelist muan mahmah te  makaih in sunnung hun ah ‘Interactive Session’ leng om ding hi. Hiai adia detailed programme hong suakpah ta ding hi. 

Hiai hun poimoh ngaih a, tel chiat ding in kuapeuh chial ihi uhi. Programme lohching leh gahsuah ahih diing leh kisakkholhna fel zaw diing ngimna in, a tel diing te’n, August 10, 2013 tan a registration bawl masak ngai diing hi. Phone/sms tungtawn in Mobile No. 9999159359/ 9971027900/ 9818431467 ah registration bawl theih diing hi.

Thuchiang zaw President/Secretary, YPA joint Headquarters te kiangah chiklai peuh in kan theih ding hi.                                                                        

Sd/-
Niangkhannem Guite
Secretary,
YPA Joint Headquarters, Delhi