Siamsinpawlpi General Headquarter in siamsinpawlpi huam sung a Siamsinna in kiakniamna thupitak tuak ahih dan theichian in, huaimah puakgik a nei in bangchi leh siamsinna tungding thak ding hi hiam chih ngaihtuahna toh pan nasatak in lak sawm uhi.

Siamsinpawlpi in hiaibang dinmun a om puaknathuai sa in siamsinna lam tunding thak nawnna ding in – Laisiangthou a kibulphuh siamsinna mah poimoh ahihdan tangkoupih ding in panla lel uhi.

Tuading in saptuam te pang bel in Tuailaite te lak ah anuai a thupite pansan in sinsakna neitou di'n kisa uhi.

1.Siamsinna leh Khristian Hinkhua
2.Siamsinna a mohpuakna Tuamtuamte (Siamsinte mohpuakte, nu-le-pate mohpuakte leh khotang-saptuamte mohpuakte.
3.Siamsinte Hanthawnna

Hiai program/kisinsakna tuni June 20, 2013 nitak in Bethlehem EBCC, New Lamka (G) tuailaite lak ah pat in om hi. Program honna Pastor Thangminlun Mangte in nei in, “SIAMSINNA LEH KHRISTIAN HINKHUA” chih thupi pansan in sinsakna nei hi.

Tuazoh in “Siamsinna a mohpuakna Tuamtuamte” chih thupi zang in Pi Bliss Haubiakching in sinsakna nei non a, Pu M. Jamchinthang in “Siamsinte Hanthawnna” hunzang hi.

Siamsinte awlmohna ziak liauliau a Siamsinpawlpi GHQ in hichibang a panlak sawm ah kuapeuh in kithuahpih chiat ding in zong SSPP GHQ in ngetna bawl hi.

.