The 10th Anniversary of Paite Tribe Recognition -cum- 65th Zomi Nam Ni Lopna 2013, Mimbung, Mizoram ~Ginlalmuan, Aizawl
Thupi : Nam-a chian semna

Hiai progamme zang dia SSPP HQs President (Functional President) dia chiala ka om bang in Pu L.Thangmawi(Chief Guest) motor in Aizawl apat 19th Feb zingkar in Pu G.Thangsangmuan (Vice President), Pu PL Rolian (Edu Dept Asst Secy) leh Pi PL Kimi (MHIP President, Mimbung) te toh ka kuantou uhi. Mimbung dak 5 vel in ka tung ua, PTC ten nek ana bawl uh kane ngal uhi. Zomi Namni lopna Mizoram ah kilawm vang mahmah ahihna ah zingchiang ngaklah mahmah in laikhun ka zal uhi.

Zomi Namni ahih ziak in zingkar apat in Mimbung khawsung ah Nam puan inn chih ah muhtheih in om a, huai banah Mobile Tower tungsang pek ah leng tak in om hial hi. Dawr tengteng khak in om vek a, kuamah gam kuan leh sep leh bawl hih muh ding omlou ahihziak in lohching ngalpah a theih in om.
1st Session:
PTC, Mimbung saina a Paite Tribe Recognition kum 10 chin na leh Zomi Nam ni 65na Mimbung Community Hall ah 20th Feb 2013 zing dak 9:30 in kipan hi. Gam leh nam itna la mipi’n sakkhawm nah un kinei munlou ahih ziak ahi ngei ding a “Sakmi khangmi kikhenlou in” , “Pupa huaisa I Zolei” leh “Aw zuun louh gam lummei in bawm”chih la khawng lapi te’n mipi on sakpih ua ; chimul bang thou sungdung hileh kilawm a theih in om hi. Comperes (Pu H.Suanzamuan leh Lia Chingngaihman)te’n siamnel takin programme on paipih ua Pastor S.Thualgouthang, EBCC Mimbung in programme te Pathian kianga latna on neih zoh in Pu V.Ginsiam, President PTC Unit Mimbung in vaidawnna thugen na leh Martyr a site sunna hun on neihpih ngal hi.

Mizoram apat a martyr a ana mualliam san mi 19 te zahna leh pak piakna hun ah Phamsa mihang te chihla hong kikhah khia in mipi lungkhoih mahmah ahi ding a kisum zoulou in khen kap khia bang ki om hial hi. Suktuah kan lahna Mimbung English School(MES) naupangte’n on neih zoh un Guest of honour, Pu Muana Hangsing (Ex President PTC Mizoram HQ) in Mizoram a in nam dinmun leh thu tuamtuam gen na on neih in mipi te’n ngaihnop sa in pau ding leng omlou phial uhi. Functional President, Ginlalmuan, President SSPP HQs Mizoram in thugenna aneih in siamsin na lam le hi nam zahpih louh ding ahihdan on gen hi. Choreography muhnop takmai MES naupang te’n siamtak mai in on lak uhi. Pu Mangzathang, VCP Mimbung in thugenna hun on neih zoh in ah Upa Ginthuam in hun masa khakna on nei hi.

2nd Session:
Hunnih nah un ah Pu Thangzasiam Munluah, Principal Mimbung Hr Sec School in siamnel takin on makaih a, hunkhat zangzou chihbang manghilh theih hial dia nuam in on makaih hi. Upa Kangzalian in patna thumna on neih zoh in lasa siam tuamtuam te’n zaila in on awi uhi. Chief Guest Pu L.Thangmawi in thugenna on nei bang chu mipi te’n pompih lua leh diksa thei lua ahi ngei ding ua mipi’n dai khipkhep in kingaikhia hi.

Functional President Pu Lalpi’n in am leh gam ngaihnat di ahih dan le hi pau ngaihsan di ahih dan khawng in gen nawn bang chu mipi ten nam ah ki chiang semsem hileh kilawm in kithei chiat uh hihtuak hi. Hichibang a thu hoih mipi’n a kingaihkhiak ziak in thupi a kinei “Nam a chian semna” chih atak a hong piangkhia in kihlawkpih chiat hi a theih in om.

PTC Unit Mimbung a Secretary Pu Thangkhanlal Samte in report piakna on neih zohin tawpna Pastor S.Thualgouthang, EBCC Mimbung in on neih zon in programme kizang zou thei hamham hi. Hiai ni in ah Mimbung Commuinty Hall dimlet zezen in mipi kitam a, a sung a om zah phial mahmah a paw lam ah om chi hial uhi. Hiai Programme in gah hoihtak ahon neih ngei lametna lianpi om a, maban ah leng zattouh zel theihna din ah panla zel theile chih in om mahmah hi.

Programme kar lak a siamtaka la on saksak Artist te:
1. Tv.Nangsummang, 2. Tv. T.Muanlal, 3. BYF Mimbung, 4. BYF Gilgal, 5. Lia Khawlmuanpar, 6. Lia Labiakzar 7. Tv. Chhungkhansiam 8. Pi Doupek leh adg..

Recording ana bawltu : Tv G.Siamromuan

PTC Mimbung Unit :
President : Pu V.Ginsiam
V/President : Pu Dampau Guite
Secreatary : Pu Thangkhanlal Samte
Asst Secy : Pu T.Lalmuan
Fin Secy : Pu E Zamsonmuan
Treasurer : Pu Thawmsiam
Jt. Secy : Pu Lalropiang

CELEBRATION ORGANISING COMMITTEE :
Chairman : Pu Dampau Guite
Secretary : Pu T.Lalmuan
Fin Secy : Tv. G.Siamromuan
Treasurer : Pu H.Suanzamuan
Members:
Pu S.Paukhanlal, Pu G.Chinsuanthang, Pu T.Lalchhandam