Tuni Feb., 16 zinglam dak 9 in CRPF Academy, Gurgaon ah Assistant Commandant trainees mi 167 (UPSC through a lut DAGOs 44(B) Batch mi 76 leh Departmental exam through a lut DEGOs 10th batch mi 91) ten PASSING OUT PARADE (POP) nei uhi. Hiai hun ah CRPF DG Shri Pranay Sahay Chief Guest in pang a Parade inspection, salute lakna leh Award-trophy tuamtuam piak khiakna nei. Training hun (55 weeks) sung a best trainee/all round best kiang ah Award/trophy sangpen "SWORD OF HONOUR" kichi Mr. S. Ginkhanmung in sang kha hi. Aman training hun sung in kongbang kim ah hih hoihpen a pang in hiai bang Award-trophy manphatak sangkha hi
Mung ahihleh (L) S. Thongchinthang of Elim veng New Lamka , tapa upa pen June 17th, 1986 in Kangkap ah piang hi. Aman Class X Blue Star Academy ah 2002 in 1st division in zou a, kum 2004 in Class XII 2nd division Shillong College ah, B Sc (Life Science) 1st division in kum 2009 in St. Anthony Shillong mah a ana zoukhia hi. A graduate zoh in Grace Bible College, Lamka ah kha giat sung Accountant in pang a tuazoh in Delhi ah exam tuamtuam pe dia kuan a kum 2011 in Assistant Commandant UPSC exam ah lohching in Basic Traning January 2012 a apat tuni in lohchingtak in zoukhia hi.
Amah 208 CoBRA Battalion (Moist/Naxalite te dou ding a kiphut khia), Balaghat Madhya Pradesh ah posting tang kha a ni 30 suty a zatkhit chiang in 19 March in va join ding hi.
* Zomi zotate mite sang in i niam zo kei hial. Leivui pan hondomsang meigong tagahte mite tung a leeng dia hon bawl Gabriel Pathian min phat in om hen!
