MOUMAN: Mouman Rs.1500 hinonlou in Rs.3000 hita ding.
Nidanglai in I Pi, I Puten gou neih mantampen Sial in man-le-mual a na gen ua, a tangpi'n Mouman Sial 2 ahi a, Sial nuta leng a kichi. Amau hun leh tuhun kidangta ahihman in Sial omlouhna ah Sialpi khat man di'n Rs.2000 leh Sialnou khat man di'n Rs.1000 pom ahi. Huaituh Rs.2000+Rs.1000 =Rs.3000.

MOUMAN PIAKDAN
i) Thaman: Thaman kichi Mou neihtheihna leh Sivui theihna ahi. Nidanglai in Rs.2 a kipia a, tun Rs.200 pom ahita.
ii) Voktal Tukli: Tangval khat in Nungak khat zi ding in tonpih taleh, Inndongtaten numei sungkuante kiangah maivilna in Voktal tukli gou in annkuang a lui uh. Voktal tukli hiam Sum Rs.4 a kipia. Tuchiang in Rs.400 pom ahi.

iii) Manpi: Sial nuta ahi a, Sial omlouhna ah tuchiang in Rs.3000 (Sialpi=Rs.2000 leh Sialnou=Rs.1000).

MOU VANKEN:
Moukhakni a piakding
i) Puanpi or Kantha or Blanket
ii) Seng leh Nam
iii) Tutang leh Heitang
iv) Lelpi or Singkuang or Singlem
v) Sathau leh Abing or Athawl
vi) Zuthawl or Singpi(Mou zupuak)
vii) Sasengsin or Puandum(Mou neipa tanupi a ding)
Hiaiteng Pupa Ngeina Dan a Mou vankente ahi uh. Huaite chihlouh Mou' nu-le-pa'n a tanu a deihsak ua, Van-got ding a kensak ua leh Mou vanken a simtheih hilou in, gift(thilpiak) bang a ngaih a hidia, A KHAKNI HILOU NIDANG A PIAKKHIAK DING AHI. Huaiteng mah thusia-lasia a omleh genbei ahi ding.

Source: ZOGAM.COM FB