Lamka, November 28: World Disability Day 2012 zatna December 1 – 2, 2012 sung The Malsawm Initiative, Lalpuithluaii Foundation School Campus ah ‘Removing barriers to create an inclusive and accessible for all’ chih pansan in om diing hi. Hiai hun zatna ah songnawite (persons with disabilities) khutsiam-silbawl lahna leh kidemna tuamtuam om diing hi.

December 1, 2012 in a honna sun dak 12 in om diing a, Class XII tan sim naupang a utpeuh a diing in GANGNAM STYLE DANCE kidemna om diing. December 2, 2012, sunning dak 1 in STAND-UP COMEDY (OPEN) kidemna om nawn diing a, December 3, 2012 in songnawite’n amau hihtheih bang chiat lak in kidemna (ABILITY SHOW) nei diing uhi. Hiai kidemnate kipahman khatna apan thumna tan pe diing ua, atel teng chiang ah Participation Certificate pe diing uhi.  Hiai hun a utpeuhmahte a dia uap theih ahi.

A ut peuh tel theihna diing ahih ban ah khutsiam-silbawl tuamtuamte lahna leh a deihte a dia leitheih diing in handmade greeting cards leh paper bag zong om diing hi. Tuaban ah, December 1, 2 pen TMI Open Day hi diing a, hiai hun in TMI class-room set-up leh vanzat tuamtuamte et theih leh zat theih in om diing hi.

Hiai World Disability Day 2012 zatna pen Nehru Yuva Kendra, Churachandpur District Disabled Union, Liliane Fonds (St Clare Province, Imphal) leh Centre for Community Initiative pangkhawm a asai uh ahi.