Amasa in YPA Diamond Jubilee Celebration Committee sik-le-tang in chibai ka hon buuk uhi.

YPA kum 75 chin lopna March 2013 a nei  diing a kisakkhawlna toh kiton in i theme dia i zat uh Retrospection for Social Transformation chih ahi. I khotang  in hoihzawkna lam mannoh a kikhekna i neih theihna diing un YPA motto bangchi banglel a sepsuah a om a, sepkhaklouhte bangchi sep leng i gam ah kibulphuhna dik khotaang vai a khantouhna tung thei diing hiam chih ngaihtuah ahi. Hichi bang a houlimna ‘YPA Diamond Talk’ neih diing chih DJCC in thupuukna a lak bang in sepsuah kisawm hi.

Hiai houlimna masa diing in YPA motto-te lak a masa pen Khristian Hindan Tawisang chih toh kisai hun paisa ah i phatuamngaihna pawlpi in a semkha na hia chih vel a, maban ah bang chihle hoih diing hiam chih kikupkhawmna na hun a tel diing in muan tuam in nang zong hon kisep hi.

Hiai houlimna pen TV talk show pian deuh a ngaihtuahna chiimtak neite kihoukhawmna hi diing a, video recording hoih tak bawl a huai pen i cable network-te uh tungtawn a mipite muh leh zak diing a thehzaak diing chih ahi. N’ong kiginkhawl theihna diing in ‘points to ponder’ chih pian deuh lehkha ka hon thun tel uhi.

Ani : November 18, 2012
Ahun : 1pm -3pm
Amun: Mini-Auditorium, Dorcas Hall, New Lamka

Phatuamgaihna a nou toh semkhawm,

Sd/-                                                                                                     
Chairman/Secretary                                                                             
Young Paite Association Diamond Jubilee Celebration Committee