Evangelical Baptist Convention, Baptist Youth Fellowship, Lamka South Division (LSD) in kumteng a Tuailai khawmpi aneihzel bang in tukum inleng Sept. 14, 2012 nitak akipan Sept. 16, 2012 nitak sung EBCC NLBC, New Lamka ah "Khrist Nungzui Dia Sap" Marka 3:14 chih thupi pansan in Khawmpi 6 veina thupitak nei uhi.

Thugentu in Rev. M. Zalian, Divisional Supdt. Imphal Division pang hi. Aman thugenna hun thum (3) zang in khotuam tuam 20 akipan leh Imphal Division Choir, BYF EBCC Bethany leh EBC Central Choir te akipan phatna lapawl siamtak ngaihkhiak in om hi.

Hiai hunsung mah in apaisa September 2011 akipan tukum August 2012 sunga saptuam dan siangthou a kitengte pahtawina Memento piakna leng om hi.

EBC Lamka South Div. sunga kho tuam tuam 20 omte Category/Group 3 (A, B & C) a khen in Lapawl leh Bible action kidemna neih in om hi. Kidemte siamthei mahmah ua, amauten hiai anuaia bang in kipahman siampen hihna ngah uhi.

Lapawl

Category A: BYF EBCC Lanva

Category B: BYF EBCC Khominthang, New Lamka

Category C: BYF EBCC Pethuel, New Lamka

Kipahman Category teng akipan khatna la te kia piak ahi.

Bible Action:

BYF EBCC Vengnuam, New Lamka

BYF EBCC Pethuel, New Lamka

BYF EBCC Hebron, New Lamka

Hiai hunsung mah in Business session nei ua, kumnawn budget ding in Rs. 1,60,000 sehkhia uhi. Khochih BYF Committee member te palai hingal in kumnawn (2013) Khawmpi zintuntu ding telna nei ua huai ah EBCC Dorcas Veng, New Lamka Kumnawn 2013 a Division BYF Khawmpi 7 veina zintuntu ding in telkhia uhi.

Rev. N. Thawndoulian, DS, LSD, EBC in Khawmpi khakna nei in zoh hita hi.

{rss uri=https://picasaweb.google.com/zogam.com/BYFConferenceLamkaSouthDivEBC# limit=100}